යුරෝපා රටවල් කිහිපයකට ප්‍රහාර එල්ල කිරීමේ සැලසුම් සකස් කරන ජිහාඩ් අන්තවාදීන් 17 දෙනෙකු පිළිබඳ ඉතාලි පොලීසිය අනාවරණය කරන අතර එයින් 15 දෙනකු අත්අඩංගුවට පත්ව ඇත. ඉතාලියේදී සැකකරුවන් 6 දෙනෙකු, බ්‍රිතාන්‍යයේදී සැකකරුවන් 4 දෙනෙකු සහ නෝර්වේ රාජ්‍යයේදී සැකකරුවන් 3 දෙනෙකු අත්අඩංගුවට පත්ව ඇති අතර, සෙසු සැකකරුවන් සිරියාවට හෝ ඉරාකයට පැනගොස් ඇති බවද පොලීසිය කියයි.
ඉරාකයේ කුර්දි අන්තවාදී මුස්ලිම් සංවිධානයක් වන අන්සාර් අල්-ඉස්ලාම් සංවිධානයේ ප්‍රාරම්භකයා ලෙස සැලකෙන දැනටමත් නෝර්වේ රාජ්‍යයේ සිරභාරයේ සිටින මුල්ලාහ් ක්‍රෙකර් නමැති ජිහාඩ් අන්තවාදියා බේරාගැනීමද සැලසුම් පැවති බව මේවනවිට අනාවරණයවී ඇත.