නිරෝධායන නියෝග උල්ලංඝනය කරමින් පොලිසිය දැනුම්දුන් ස්ථාන වෙත නොපැමිණි මිනුවන්ගොඩ බ්‍රැන්ඩික්ස් ආයතන සාමාජිකයන් අද (09) දින සිට අත්අඩංගුවට ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළා.
මෙම සේවිකාවන් සඳහා ස්ථාන කිහිපයක් නම් කොට වහාම එම ස්ථාන වෙත පැමිණෙන ලෙසට ඊයේ (08) දින සහ පෙරේදා (07)දින යන දෙදින ලබාදී තිබූ අතර, එසේ නොපැමිණි අය මෙලෙස අත්අඩංගුවට ගැනීමට කටයුතු කරන බවයි ඒ මහතා වැඩිදුරටත් සඳහන් කලේ.
නිරෝධායන සහ රෝග වැළැක්වීමේ ආඥා පනතේ ප්‍රතිපාදනයන්ට සහ පොලිස් දණ්ඩ නීති සංග්‍රහයේ වගන්ති ප්‍රකාරව මෙම අත්අඩංගුවට ගැනීම සිදුකිරීම සඳහා පොලිසියට බලය ඇති බවද ඔවුනට එරෙහිව අධිකරණයේ නඩු පැවැරිය හැකි බවද මාධ්‍ය ප්‍රකාශකවරයා සඳහන් කළා.