ඇවන්ගාඩ් සමාගමේ හිටපු සභාපති නිශ්ශංක සේනාධිපති මහතා අත්අඩංගුවට ගෙන තිබේ.
කටුනායක ගුවන්තොටුපල පරිශ්‍රයේදී අපරාධ පරික්ෂණ දෙපාර්තමේන්තුවේ නිලධාරින් විසින් අද(17) අළුයම ඔහු අත්අඩංගුවට ගෙන ඇති බව පොලිස් මාධ්‍ය ප්‍රකාශක කාර්යාලය පැවසුවේය.
නිශ්ශංක සේනාධිපති මහතා අද අළුයම සිංගප්පූරුවේ සිට මෙරටට පැමිණ ඇති අතර එහිදී ඔහු මෙලෙස අත්අඩංගුවට ගෙන තිබේ.
ඇවන්ගාඩ් සමාගමට අදාළ නඩුවක් සම්බන්ධයෙන් ගාල්ල මහේස්ත්‍රාත් අධිකරණය නිකුත් කළ නියෝගයකට අනුව මොහු අත්අඩංගුවට ගෙන ඇති බව සඳහන්ය.
අත්අඩංගුවට ගත් සැකකරු සම්බන්ධයෙන් කොළඹ අපරාධ පරික්ෂණ දෙපාර්තමේන්තුව වැඩිදුර විමර්ශන ආරම්භ කර තිබේ.