මෙරට ගම්මිරිස් සහ පැඟිරි අස්වැන්නට තම ආණ්ඩුවක් යටතේ ඉහළ මිලක් ලබාදීමට කටයුතු කරන බව සමගි ජන බලවේගයේ නායක සජිත් ප්‍රේමදාස මහතා පවසයි.
රත්නපුර ඇඹිලිපිටිය ප්‍රදේශයේ ඊයේ (28)දින පැවති ජන හමුවකට එක්වෙමින් ඔහු මේ බව සඳහන් කළේය.
ගම්මිරිස් ප්‍රතිඅපනයනය කර ජාවාරම් සිදුකරන පුද්ගලයින් සමගි ජන බලවේගයේ නැති බවත් එහිදී අදහස් දැක්වු සජිත් ප්‍රේමදාස මහතා පැවසීය.
“මේ මැතිවරණ ව්‍යාපාරයේ දී මම මගේ වාහනයෙන් කිලෝ මීටර් 14, 600ක් ගිහින් තියෙනවා..ඇත්තම කියනවා නම් බොහොම තෙහෙට්ටුයි. නමුත් ජනතාව දකින තරම් සතුටක් මේ පුංචි ප්‍රේමදාසට නෑ..” යනුවෙන් ද ඒ මහතා පැවසීය.
රත්නපුර කොළොන්න ප්‍රදේශයේ සංවිධාන කර තිබූ ජන හමුවකට ද ඉන් අනතුරුව සජිත් ප්‍රේමදාස මහතා සහභාගී විය.