කොළඹ මහා නගර සභාවේ උතුරු කොළඹ මැතිවරණ කොට්ඨාසයේ මට්ටක්කුලිය ප්‍රදේශයෙන් නගර සභාවට තේරී පත්වී සිටින ශ්‍රී ලංකා නිදහස් පොදුජන පෙරමුණේ නාගරික මන්ත්‍රී රාජු බාස්කරන් මහතා කොරෝනා රෝගයට ගොදුරු වී අයිඑච් රෝහලට ඇතුළත් කොට ඇති බව කොළඹ මහා නගර සභාව පවසයි.
මන්ත්‍රීවරයා ඇතුළත් කිරීමෙන් පසු සෞඛ්‍ය ඇමැතිනී පවිත්‍රා දේවි වන්නිආරච්චි, බැසිල් රාජපක්ෂ, පුරපතිනි රෝසි සේනානායක, නාගරික ප්‍රධාන වෛද්‍ය නිලධාරී රුවන් විජයමුණි මන්ත්‍රීවරයාගේ දුක සැප විමසමින් දුරකතන ඇමතුම් ලබා දුන් බව මන්ත්‍රීවරයා පැවසීය.
මෙයට අමතරව නාගරික ගිනි නිවීමේ දෙපාර්තමේන්තුවේ ගිනි භටයන් සිවු දෙනකුට කොරෝනා වැළඳී ඇති බව ගිනි නිවීම් සේවා දෙපාර්තමේන්තුවේ උසස් නිලධාරියෙක් පැවසීය.
මෙයට අමතරව කොළඹ මහා නගර සභා බල ප්‍රදේශයෙන් තවත් ආසාදිතයන් 32කු නිරෝධායන මධ්‍යස්ථානවලට ඇතුළත් කර ඇති බව ද පැවසීය.