මෙරට නැවත ත්‍රස්තවාදයක් ඇති නොවෙන්නට නම් පළාත් සභා ක්‍රමය ශක්තිමත් කර ක්‍රියාත්මක කළ යුතු බව සමගි ජන බලවේගයේ නායක සජිත් ප්‍රේමදාස මහතා පවසයි.
ඔහු මේ බව ප්‍රකාශ කළේ ඊයේ (07)දින කිරිඳිවැල පැවති ජන හමුවකට එක්වෙමිනි.
සමඟි ජන බලවේගයේ තවත් ජනහමුවක් කැලණිය මහජන ක්‍රීඩාංගණයේදී පැවැත්වුණි.
එහිදී අදහස් දැක්වු සජිත් ප්‍රේමදාස මහතා කියා සිටියේ වත්මන් රජය ජනතාව මුලා කරමින් සිටින බවයි.
ජනාධිපතිවරණයේ දී ගෝඨාභය රාජපක්ෂ මහතාට ඡන්දය ලබාදුන් ජනතාව ඉදිරි මහ මැතිවරණයේ දී වෙනසක් සිදු කිරීමට බලාපොරොත්තුවෙන් සිටින බවත් ඒ මහතා පැවසීය.