ත්‍රස්ත ප්‍රහාරයත් සමග දිවයින පුරා සෝදිසි මෙහෙයුම් දියත් වුවද ඒවා පිලිබද සෑහීමට පත්විය නොහැකි බව ත්‍රස්ත විරෝධි ජාතික එකමුතුව පවසයි.
එහි මහලේකම් පූජ්‍ය මැඩිල්ලේ පඤ්ඤාලෝක හිමියන් කියා සිටියේ, බොහෝ දේශපාලකයන්ගේ බලපෑම් නිසා බොහෝ ප්‍රදේශවල මුස්ලිම් පල්ලි පරික්ෂා කිරීම සිදුව නොමැති බවයි.
අමාත්‍ය ලක්ෂ්මන් කිරිඇල්ලගේ සහ අමාත්‍ය අබ්දුල් හලීම්ගේ බලපෑම මත අකුරණ, මැණික්හින්න, මඩවල, දිගන ප්‍රදේශවල මුස්ලිම් දේවස්ථාන හා මුස්ලිම් ගම්මාන පරික්ෂා කිරීමට ආරක්ෂක අංශවලට ඉඩ ලබා දී නැති බවට ඉතා විශ්වාස කටයුතු තොරතුරු ලැබී ඇති බවද එහිමියන් සදහන් කර සිටියේ ය.
මේ අතර දිවයින පුරා හසු වූ කඩු කිණිසි ආදී ආයුද සම්බන්ධයෙන් ‘තහනම් පිහි ආඥා පනත‘ යටතේ සැකකරුවන් උසාවියට ඉදිරිපත් කිරීමට පොලිසිය කටයුතු කරන බවත්, ඒ අනුව එම සැකකරුව් සුළු දඩයක් ගෙවා නිදහස් වීමේ හැකියාවක් පවතින බවද උන්වහන්සේ කියා සිටියේ ය.