පෙරටුගාමී සමාජවාදී පක්ෂය විසින් සංවිධානය කරන ලද උද්ඝෝෂණය ව්‍යාපාරයක් පැවැත්වීම තහනම් කරමින් කොටුව මහේස්ත්‍රාත් අධිකරණය විසින් නියෝගයක් නිකුත් කර තිබේ.
අදාළ උද්ඝෝෂණ ව්‍යාපාරය ඇමෙරිකානු තානාපති කාර්යාලය අසළ දී පැවැත්වීමට නියමිතව තිබුණි.
කොල්ලුපිටිය පොලිස් ස්ථානාධිපතිවරයා විසින් කොටුව මහේස්ත්‍රාත් අධිකරණයෙන් කරන ලද ඉල්ලීමකට අනුව පෙරටුගාමී පක්ෂයේ ප්‍රධාන ලේකම් සේනාධීර ගුණතිලක සහ එම පක්ෂයේ ප්‍රචාරක ලේකම් දුමින්ද නාගමුව යන අය සහ තවත් අයවලුන්ට එරෙහිව සහ පොදුවේ මහජනතාව වෙත අදාළ තහනම් නියෝගය නිකුත් කර ඇති බව පොලීසිය පවසයි.
මෙම අඥාව කඩකිරීම ලංකා දණ්ඩ නිතී සංග්‍රහයේ 185 වගන්තිය ප්‍රකාරව දඬුවම් ලැබිය හැකි වරදක් බව අධිකරණ ආඥාවේ සඳහන් කර තිබේ.