ස්විස්ටර්ලන්තයේ පැවැත්වෙන එක්සත් ජාතීන්ගේ සංවිධානයේ මානව හිමිකම් කොමිසමේ සැසියට පාරිභෝගික අයිතීන් සුරකීමේ ජාතික ව්‍යාපාරයේ සහභාගීත්වය එක් කර තිබෙනවා.
2018 සැප්තැම්බර් 25 දින ස්විස්ටර්ලන්තයේ ජිනීවා නුවර පැවැත්වෙන එක්සත් ජාතීන්ගේ මානව හිමිකම් කොමිෂමේ 39 වන සැසිය සදහා මෙරට පාරිභෝගිකයින් වෙනුවෙන් පෙනී සිටින ප්‍රමුඛම සංවිධානය වෙත ආරාධනා ලැබී ඇත. මේ සදහා එම සංවිධානය නියෝජනය කරමින් ජේෂ්ඨ නීති උපදේශක ආචාර්යය ප්‍රතිභා මහානාමහේවා මහතා සහභාගී වේ.
ආචාර්යය ප්‍රතිභා මහානාමහේවා මහතා කොළඔ කොළඔ විශ්ව විද්‍යාලයේ නීති පීඨයේ ජේෂ්ඨ කතිකාචාර්යයවරයෙකු වන අතර වර්තමානයේ ඔහු ජැමියිකා තාක්ෂණික විශ්ව විද්‍යාලයේ නීතීය පිළිබදව මහාචාර්යවරයා ලෙස හා එහි නීති පීඨයේ පීඨාධීපතිවරයා ලෙසද කටයුතු කරයි. ඔහු ශ්‍රී ලංකා මානව හිමිකම් කොමිසමේ කොමසාරිස්වරයා ලෙසද කොතලාවල ආරක්ෂක විද්‍යාපීඨයේ උපකුලපතිවරයා ලෙසද මීට පෙර කටයුතු කර ඇත.
මෙරට පාරිභෝගිකයින් මුහුණ දෙන ගැටලු හා පාරිභෝගික අයිතීන් පිළිබදව හඩ නගන සමාජ ක්‍රියාකාරීන්හට එල්ල කරන තර්ජන පිළිබදව ආචාර්යය ප්‍රතිභාමහානාමහේවා මහතා මෙම සමුලුවේදී ජාත්‍යන්තරය දැනුවත් කිරීමට නියමිතය. විශේෂයෙන්ම 2003 අංක 9 දරණ පාරිභෝගික කටයුතු අධිකාරි පනත උල්ලංඝණය කරමින් සිදු කර ඇති පත්කිරීම් පිළිබදව හා එම පනත උල්ලංඝනය කරමින් පාරිභෝගිකයින් පීඩාවට පත් කිරීම සම්බන්ධයෙන් ද අවධාරණය කරනු ඇත.