හොරගොල්ල වලව්ව වත්තට ඇතුළු වී පොල් සොරකම් කිරීමට උත්සාහ දැරූ පුද්ගලයකුට වෙඩි තැබීම සම්බන්ධව එම ඉඩමේ මුරකරුවන් දෙදෙනා ගිනිඅවිය සමඟ නිට්ටඹුව පොලිසිය අත්අඩංගුවට ගෙන ඇත.
මෙම වෙඩි තැබීම බලපත්‍ර සහිත බෝර 12 ගිනි අවියකින් සිදුකර ඇති අතර වතුපිටිවල රෝහලට ඇතුළත් කලද ඔහුගේ තත්ත්වය අයහපත් වූ බැවින් වැඩිදුර ප්‍රතිකාර සඳහා කොළඹ ජාතික රෝහලට මාරුකර යවා ඇත.
එම වෙඩි ප්‍රහාරයට ලක්වු පුද්ගලයා නිට්ටඹුව හොරගොල්ලාගම පදිංචි 23 හැවිරිදි තරුණයෙක් වන අතර ඔහු මත්කුඩු වලට තදින්ම ඇබ්බැහි වී සිටින්නෙක් බව පොලිසිය සදහන් කරයි.