Colombo Today Local News

ඔබ සරලයි.. සාමයට ලැදියි.. මගේ හදවතට සමීපයි.. පාප්තුමෝ ජනපතිට කියයි

ඉතාලියේ නිල සංචාරයක යෙදෙන ජනාධිපති මෛත්‍රීපාල සිරිසේන මහතා ඇතුළු දූත පිරිස ඊයේ (14) වතිකානුවේදී ෆ්‍රැන්සින් පාප්තුමා හමුවිය. ශ්‍රී ලංකාව ආගන්තුක සත්කාරවලින් හෙබි සුහදශීලී ජනතාවක් වෙසෙන ස්වාභාවික සෞන්දර්යයෙන් ද අනූන රටක් ලෙස තමා දකින බව පාප්තුමෝ කීහ.

ශ්‍රී ලංකාවේ සංහිඳියාව සහ සාමය වෙනුවෙන් ජනාධිපති ගෙන යන වැඩපිළිවෙළට සිය ප්‍රසාදය පළ කළ පාප්තුමෝ ලෝකයේ දැනට සිදුවන දේශගුණික විපර්යාස වළක්වා ගැනීම සඳහා පරිසරය සුරැකීමේ වැදගත්කම ද පෙන්වා දුන්හ.

ලෝකයේ යුද්ධ සහ ත්‍රස්තවාදී ක්‍රියා වැළැක්වීම සඳහා ගත යුතු සුදුසුම ක්‍රියාමාර්ගය යුද ආයුධ නිෂ්පාදනය නතර කිරීම බව අවධාරණය කළ පාප්තුමෝ සරල දිවි පෙවෙත සහ සාමය සඳහා කැප වූ නායකයකු ලෙස ජනාධිපති සිරිසේන මහතා පිළිබඳව සමීප ලෙන්ගතුකමක් තම හදවතට දැනෙන බව ද සඳහන් කළහ.

සංචාරක සංවර්ධන හා ක්‍රිස්තියානි ආගමික ඇමැති ජෝන් අමරතුංග, නගර සැලසුම් හා ජල සම්පාදන රාජ්‍ය අමාත්‍ය සුදර්ශනී ප්‍රනාන්දුපුල්ලේ, ක්‍රිස්තියානු කටයුතු නියෝජ්‍ය ඇමැති අරුන්දික ප්‍රනාන්දු, පාර්ලිමේන්තු මන්ත්‍රී කවින්ද ජයවර්ධන, පාර්ලිමේන්තු මන්ත්‍රී හෙක්ටර් අප්පුහාමි, අග්‍රමාත්‍ය කාර්ය මණ්ඩල නියෝජ්‍ය ප්‍රධානී රෝසි සේනානායක හා හිටපු පාර්ලිමේන්තු මන්ත්‍රී දයාශ්‍රිත තිසේරා යන මහත්ම මහත්මීන් මේ ගමනට එක්ව සිටියහ.

Related posts

ආණ්ඩුව පාලනය කරන්නේ ගෑනුත් නොවන, පිරිමිත් නොවන පිරිසක්

colombotoday

බන්ධනාගාරගතව සිටින හෙරොයින් ජාවාරම්කරුවෙකුගේ සහෝදරියක් අත්අඩංගුවට

colombotoday

මාලිමා මංත්‍රීලා සෝමාලියා කදවුරකින් පැන්නා වගේ

Admin

හිඟ විදුලි බිලට වසරක සහනයක්

colombotoday

‘‘මහජන ආරක්ෂක ඇමැති’’ නව කැබිනට් තනතුරට රියර් අද්මිරාල් සරත් වීරසේකර ?

colombotoday

ආප්ප, ප්ලේන් ටී, කිරි තේ සහ කෑම පැකට්ටුවක් අද සිට උපරිම සිල්ලර මිලකට

colombotoday