විදේශ රැකියා සඳහා පිටත්වීමට පෙර විදේශ සේවා නියුක්ති කාර්යාංශයේ ලියාපදිංචි වීමෙන් නොමිලේ හිමිවන ජීවිත රක්ෂණය රුපියල් ලක්ෂ දෙකකින් වැඩි කරන බව විදේශ රැකියා අමාත්‍ය තලතා අතුකෝරල මහත්මිය පවසයි.
ඒ අනුව ලක්ෂ තුනක්ව පැවති එම රක්ෂණාවරණය ලබන වසරේ සිට ලක්ෂ 5ක් දක්වා වැඩිකරන බව අමාත්‍යවරිය අවධාරණය කළේය.
විදේශ රැකියා සඳහා පිටත්ව යන විට කාර්යාංශයේ ලියාපදිංචි විය යුතු අතර එය වසර දෙකකට පමණක් සීමා වන බව සඳහන් කළ අමාත්‍යවරිය ඇතැම් පුද්ගලයින් ලියාපදිංචිය අලුත් නොකර තවදුරටත් සේවයේ නිරත වන බව පැවසුවේය.
එවිට යම් අනතුරක් සිදුවුවහොත් එම පුද්ගලයින්ට වන්දි ලබාගැනීමට නොහැකි වන බව තලතා අතුකෝරල අමාත්‍යවරිය එහිදි අවධාරණය කළේය.
විදේශ සේවා නියුක්ති කාර්යාංශය මගින් විදේශ රැකියා සදහා පිටත්ව යන්නන්ට නොමිලේ ලබා දෙන ජීවිත රක්ෂණය රුපියල් ලක්ෂ දෙකකින් වැඩි කිරීමට තීරණය කර තිබෙන බව විදේශ රැකියා අමාත්‍ය තලතා අතුකෝරල මහත්මිය පවසනවා. ඒ අනුව ලක්ෂ තුනක්ව පැවති එම රක්ෂණාවරණය ලබන වසරේ සිට ලක්ෂ 5ක් දක්වා වැඩි කරන බවයි අමාත්‍යවරිය අවධාරණය කළේ.