ආන්දෝලනයකට තුඩුදුන් පුරවැසිභාවය පිළිබඳ පනත ක්‍රියාත්මක කිරීම අත්හිටුවන ලෙස කළ ඉල්ලීම ප්‍රතික්ෂේප කිරීමට ඉන්දීය ශ්‍රේෂ්ඨාධිකරණය තීරණය කර තිබේ.
මේ තුළින් අසල්වැසි රටවල මුස්ලිම් නොවන පුද්ගලයින්ට ඉන්දියානු පුරවැසිභාවය ලබා ගැනීමට ඉඩ සැලසෙනු ඇති.
ශ්‍රේෂ්ඨාධිකරණය ප්‍රකාශ කළේ, මෙම නීතිය අභියෝගයට ලක් කරන පෙත්සම් 2020 ජනවාරි 22 වැනිදා සලකා බලන බවයි.
එමෙන්ම මෙය පූර්ණ වශයෙන් ක්‍රියාත්මක නොවන බවත්, ඊට අදාළ මග පෙන්වීම් ලැබී නොමැති බවත් ශ්‍රේෂ්ඨාධිකරණය ප්‍රකාශ කළේ ය.
අලුතින් සම්මත වූ මෙම නීතියට එරෙහි උද්ඝෝෂණ ඇසෑම් ඇතුළු ප්‍රාන්ත ගණනාවක ක්‍රියාත්මක වූ අතර, මේ වනවිට ඒවා තවදුරටත් ව්‍යාප්තව ඇතැයි ඉන්දීය වාර්තාවල සඳහන් ය.
රටේ බොහෝ ප්‍රදේශවලින් මෙයට විරෝධය පළ වෙමින් තිබුණත් ආණ්ඩුව එය වෙනස් කිරීමට කිසිසේත් සූදානම් නැත.
මෙම නීතිය ඉන්දීය ව්‍යවස්ථාවේ ඇති නිරාගමික භාවයට හානියක් බව විචාරකයින්ගේ අදහසයි.