ලොව විශාලතම සරණාගත කඳවුර වන, බංග්ලාදේශයේ කොක්ස් බසාර් තුළින් කොරෝනාවෛරස් ආසාදිතයින් දෙදෙනෙකු හමුවූ බව එරට බලධාරීහු පවසති.
මෙම සරණාගත කඳවුර තුළ රෝහින්ග්‍යා මුස්ලිම් සරණාගතයන් මිලියනයක් පමණ වාසය කරන අතර ඔවුන් අතරින් කොරෝනාවෛරස් ආසාදිතයන් වාර්තා වූ පළමු අවස්ථාව මෙය වේ.
තහවුරු වූ ආසාදිතයන් දෙදෙනා වෙන් කොට තබා ප්‍රතිකාර කරන බව බංග්ලාදේශ බලධාරීහු බීබීසීයට පවසා ඇත.
තවත් සරණාගතයන් 1900ක් පමණ පරීක්ෂාවට ලක් කිරීම සඳහා වෙන් කර තබා ඇත.