අම්බලන්තොට මිරිජ්ජවිල නවගම්ගොඩ ප්‍රදේශයේ අත්හැර දමා තිබෙන ගරාජයක් අසළ කැලෑවක දමා ගොස් තිබු දින දෙකක් වයසැති කුඩා දැරියක් ප්‍රදේශවාසීන් විසින් සොයා ගෙන තිබේ.
පසුව අම්බලන්තොට පොලීසියට දැනුම් දීමෙන් අනතුරුව බිළිඳිය හම්බන්තොට රෝහලට ඇතුළත් කිරීමට කටයුතු කර ඇත.
අම්බලන්තොට මිරිජ්ජවිල නවගම්ගොඩ ප්‍රදේශයේ පාලු ස්ථානයක ඊයේ (21) රාත්‍රී කාලයේ දී කිසියම් කාන්තාවක් විසින් මෙම බිළිඳිය සුදු පැහැති රෙදි කඩකින් ඔතා විදුලි කණුවක් අසළ දමා ගොස් තිබිය දී ප්‍රදේශවාසීන් විසින් මෙලෙස සොයා ගෙන තිබේ.
මේ වන විට බිළිඳිය නිරෝගීව හම්බන්තොට රෝහලේ ළදරු ඒකකයේ ප්‍රතිකාර ලබමින් සිටී.
දැරිය දමා ගොස් ඇති කාන්තාව සොයා අම්බලන්තොට පොලීසිය විමර්ශන කටයුතු ආරම්භ කර ඇත.