Colombo Today Local News

ශ්‍රී ලංකා රජයට එරෙහිව ඇති සියලු යුද අපරාධ චෝදනා ඉවත් කිරීමට දෙමළ ඩයස් පෝරාව සුදානම්

ශ්‍රී ලංකාවට එරෙහිව ජිනීවා මානව හිමිකම් කොමිසමට මෙන්ම අනෙකුත් රටවල් වෙත ඉදිරිපත් කර ඇති සියලු යුද අපරාධ සම්බන්ධ චෝදනා කොන්දේසි විරහිතව ඉවත්කර ගැනීමට ශ්‍රී ලංකා රජයට සහය ලබා දෙන බව දෙමළ ඩයස් පෝරාව සුදානම් වෙයි.

ඒ වෙනුවෙන් ලබා දෙන නීතිඥ සහය මෙන්ම අනෙකුත් මැදිහත් වීම් සමග ශ්‍රී ලංකා රජයේ පාර්ශව කරුවෙකු ලෙස මැදිහත් වී කටයුතු කිරීමට සුදානම් බව දෙමළ ඩයස් පෝරාවේ සාමාජික නිමලන් විශ්වනාදන් මහතා පැවසීය.

මෙහිදී ජිනීවා මානව හිමිකම් කොමිසමට වගේම කැනඩාව,ඇමරිකාව,එංගලන්තය,ස්විස්ලන්ඩ්,ප්‍රංශය වැනි රටවල සිට ක්‍රියාත්මක වන L.T.T.E හිතවාදීන් විසින් සිදුකර ඇති ශ්‍රී ලංකාවට එරෙහිව සියලු චෝදනා පිළිබඳව දෙමළ ඩයස් පෝරාවේ අවධානය යොමු වී තිබේ.

මේ සෑම චෝදනාවක්ම පිටුපස දෙමළ ජාතික සන්ධානය සිටින බවත් එම චෝදනාවන්ට සාර්ථකව මුහුණ දීමට දෙමළ ඩයස් පෝරාව සුදානම් බව විශ්වනාදන් මහතා පවසයි.

2009 වසරේදී හෝ ඊට පෙර හා පසු සිදුවුණා යැයි කියන යුද අපරාධ කිසිවක් දෙමළ ඩයස් පෝරාව පිළිනොගන්නා බවත් එහි නිවරද්‍ය තාවය තහවුරු කිරීමට විදේශ කටයුතු අමාත්‍යංශය අසමත් වී ඇති බව ඔහු අවධාරණය කරයි.

ඒ සම්බන්ධයෙන් විදේශ කටයුතු අමාත්‍ය දිනේෂ් ගුණවර්ධන අමාත්‍යවරයාට ඉදිරිපත් කර ඇති කෙටි පණිවිඩ මගින් තහවුරු වෙන බව පැහැදිලි වෙන බව ඔහු පැවසිය.

මේ සම්බන්ධව කිහිප අවස්ථාවකදීම විදේශ කටයුතු අමත්‍යංශය මෙන්ම ජනාධිපති ලේකම් ආචාර්ය පී.බී.ජයසුන්දර මහතාව දැනුවත් කර ඇති අතර ඒ සඳහා කිසිදු ප්‍රතිචාරයක් මේ වනතෙක් නොලැබී ඇති කණගාටු වන බවයි ඔහු සඳහන් කළේ.

ශ්‍රී ලංකාවට එල්ල වී ඇති චෝදනා නිරාකරණය කර නොගතහොත් ඉදිරියේදී GSP + සහනය මෙන්ම යුරෝපා සංගමයේ රටවලට සංචාරක තහනම් හා අපනයන තහනම් ද පැනවීමේ ඉඩකඩ බොහෝවිට ඇති බව ඔහු පෙන්වා දෙයි.

ඒ අනුව ශ්‍රී ලංකාව මුහුණ දී ඇති මෙම ප්‍රශ්නයෙන් නිදහස් වීම සඳහා ජනාධිපති ගෝඨාභය රාජපක්ෂ මහතා හමුවී සාකච්චා කිරීමට සුදානම් බව දෙමළ ඩයස් පෝරාවේ සාමාජික නිමලන් විශ්වනාදන් මහතා වැඩිදුරටත් පවසයි.

ඉන්දික ශ්‍රී අරවින්ද

Related posts

අර්ජුන් ඇලෝසියස්ට අයත් මෙන්ඩිස් සමාගමේ මත්පැන් නිෂ්පාදන බලපත්‍රය ජනපතිගේ උපදෙස් මත යළි අහෝසියි

colombotoday

රෝහල් ශීඝ්‍රයෙන් පිරී යමින් පවති – ශ්‍රී ලංකා වෛද්‍ය සංගමය

colombotoday

කොළඹ ප්‍රදේශ කිහිපයකට හෙට පැය 16ක ජල කප්පාදුවක්

Admin

භික්ෂූන් සහ හමුදාව උතුර සිංහලකරණය කිරීම වහා නවතනු

colombotoday

උපකාරක පන්ති පැවැත් වූ ගුරුවරුන් දෙදෙනකු හා සිසුන් 14 ක් නිරෝධායනයට

colombotoday

ආණ්ඩුව ආර්ථික, දේශපාලනික, ජාත්‍යන්තර සියලු ගැටලු අවුල්කරගෙන

colombotoday