පළාත් පාලන ආයතනවල බලය පිහිටුවීම සම්බන්ධයෙන් සිදුකරන ප්‍රකාශවලදී ජනාධිපති අනුර කුමාර දිසානායක ජනාධිපතිවරයා තමා සතු විධායක බලතල හරහා සිදු කරන බවට ඉඟි කරන බලපෑම් පිළිබඳ හිටපු පාර්ලිමේන්තු මන්ත්‍රී එම්. ඒ. සුමන්තිරන් සිය විරෝධය පළකර තිබේ.
ජාතික ජන බලයට බලය හිමිව ඇති පළාත් පාලන ආයතනවල මහජන වරම පැහැරගැනීමට ගන්නා ඕනෑම උත්සාහයක් සම්බන්ධයෙන් දැඩි ක්‍රියාමාර්ග ගන්නා බවට ජනාධිපතිවරයා සිදු කරන ප්‍රකාශ සම්බන්ධයෙන් ඔහු මෙම අදහස් පළ කොට තිබේ.
ඔහු කියා සිටින්නේ ජනාධිපතිවරයා පාර්ලිමේන්තුවේ තුනෙන් දෙකේ බලය සහ ඔහු සතු විධායක බලතල පෙන්වාදෙමින් තර්ජන එල්ල කරන බවයි.
“පාර්ලිමේන්තුවේ තමන්ට 2/3ක් තියෙනවා කියලා අනුර කුමාර දිසානායක ජනාධිපතිතුමා තර්ජනය කරනවා. ඔහු තමන් සතු විධායක බලය ගැන ද සඳහන් කරනවා. එය බලය දූෂිතව භාවිත කිරීමක්” සුමන්තිරන් පවසයි.
යාපනයේ බහුතර බලය තහවුරු කර ගැනීම සම්බන්ධයෙන් ජනාධිපතිවරයාගේ ගණනය කිරීම් පිළිබඳව ද සුමන්තිරන් හිටපු මන්ත්‍රීවරයා වැඩිදුරටත් ප්‍රශ්න කර සිටියි.
සටහන – මන්දාකිණි