2025 පළාත් පාලන මැතිවරණයේදී විපක්ෂයට බහුතර බලය හිමි වූ පළාත් පාලන ආයතන සඳහා විපක්ෂයේ අනෙකුත් පාර්ශවයන් සමග එක්ව බලය පිහිටුවීමට සමගි ජන බලවේගය සහ එක්සත් ජාතික පක්ෂය එකඟත්වය පළ කර ඇති බව වාර්තා වෙනවා.
මෙම තීරණය ගෙන ඇත්තේ සජබෙ ප්‍රධාන කාර්යාලයේදී අද පැවති විශේෂ සාකච්ඡාවකදීයි.
මෙම සාකච්ඡාව සඳහා එක්සත් ජාතික පක්ෂයේ සහ සමගි ජන බලවේගයේ නියෝජිතයින් සම්බන්ධ වී ඇති බව වාර්තා වුණා.
මෙම තීරණය සම්බන්ධයෙන් සමගි ජන බලවේගයේ මහලේකම් රංජිත් මද්දුමබණ්ඩාර සහ එක්සත් ජාතික පක්ෂයේ මහ ලේකම් නීතිඥ තලතා අතුකෝරාල යන අය විසින් ඒකාබද්ධ නිවේදනයක්ද නිකුත් කොට තිබෙනවා.