ඓතිහාසික සීතාවක ප්‍රදේශයේ රාජධානියෙහි ප්‍රාදේශීය අන්‍යතාව ප්‍රදර්ශන කිරීම සඳහා මේ දක්වා ස්ථානයක් ස්ථාපනය කර නොමැති නිසා කෞතුකාගාරයක් ස්ථාපනය කිරීම සඳහා කැබිනට් අනුමැතිය හිමි වී ඇත.
1521 වසරේදී සීතාවක රාජධානිය බිහි වීම ශ්‍රී ලංකා රාජධානි ඉතිහාසයේ සුවිශේෂී සන්ධිස්ථානයකි.
රජය සඳහන් කළේ, පහත කෞතුක භාණ්ඩ ඇතුළත්ව මහ ජනතාවට ප්‍රදර්ශනය කිරීම සඳහා කෞතුකාගාරයක් පිහිටුවීම සැලසුම් කර ඇති බව යි.
- සීතාවක රාජධානි යුගයේ නිෂ්පාදිත සිංහල තුවක්කු, සිංහල කඩු ඇතුළු යුධ උපකරණ, කිරුම් මිනුම් හා කැණීම් උපකරණ ආදී පුරාවස්තු,
- සීතාවක රාජධානියට අයත් ප්‍රදේශයේ සිදු කරන ලද කැණීම් තුළින් සහ මහ ජනතාව සන්තකයේ පවතින දෑ අතුරින් හඳුනාගත් ප්‍රාග් ඓතිහාසික යුගයට අයත් ප්‍රදේශයේ සිදු කරන ලද කැණීම්,
- මහ ජනතාව සන්තකයේ පවතින දෑ අතුරින් හඳුනාගත් ප්‍රාග් ඓතිහාසික යුගයට අයත් ශිලා මෙවලම්, අතීත මානවයා විසින් භාවිත කරන උපකරණ හා ආහාර පිළිබඳ තොරතුරු සහ සතුන්ගේ හා ශාක අවශේෂ.
ඒ අනුව, සීතාවක ප්‍රධාන තැපැල් කාර්යාලයට යාබදව පිහිටි, දැනට ඌන උපයෝජිත තත්ත්වයේ පවතින ශ්‍රී ලංකා දුම්රිය දෙපාර්තමේන්තුව සතු නිල නිවසේ එම කෞතුකාගාරය ස්ථාපනය කිරීමට රජය තීරණය කර තිබේ.