Colombo Today Local News

Video: උපවාසයේ නියුතු හිමිවරු වෙනුවෙන් ඥානසාර හිමි සටනට – මහියංගනය උණුසුම්

බොදු බල සේනා මහලේකම් රාජකීය පණ්ඩිත ගලගොඩඅත්තේ ඥානසාර හිමි මහියංගනයට වැඩමකර තිබෙනවා. මහියංගනය සිංහල බෞද්ධයාට සිදුවන අසාධාරණකම්වලට එරෙහිව භික්ෂුන් වහන්සේලා කිහිපනමක් අද උදැසන සිට මාරාන්තික උපවාසයක් ආරම්භ කළා.

මෙහිදී අදහස් දැක්වූ පුජ්‍ය ගලගොඩඅත්තේ ඥානසාර හිමි , ” අත්තොමතික ලෙස ක්‍රියා කරන මහියංගනය ප්‍රදේශය භාර ASP වරයා සහ පොලිස් ස්ථානාධිපතිවරයා පිලිබදව පොලිස්පතිවරයා බලා ගන්නවාද ? නැත්නම් අපි බලා ගන්නද?” යනුවෙන් විමසා සිටියා.

වැඩි දුරටත් අදහස් දැක්වූ ඥානසාර හිමි

 

Sinhalee-1
බෞද්ධ ජනතාව ඉලක්ක කරගනිමින් සිදුවන මර්ධනයට එරෙහිව ස්වාමීන් වහන්සේලා පිරිසක් මහියංගනය නගර මධ්‍යයේ මාරාන්තික උපවාසයක් ආරම්භ කර තිබෙනවා. මුස්ලිම් අන්තවාදීන්ගේ අල්ලසට යටවූ මහියංගනය පොලීසිය ජනතාව කුපිත කරවමින් සිදු කරන අත්තනෝමතික ක්‍රියාවලට සහ බෞද්ධ ජනතාවට එරෙහිව පාලකයන්ගෙන් එල්ලවන කෙණෙහිළිකම්වලට විරෝධය දක්වමිනුයි මෙම උපවාසය ආරම්භ කර තිබෙන්නේ.

පසුගිය වෙසක් පුන් පොහෝ දා රාත්‍රියේ මහියංගනය ‍දඹගොල්ල ප්‍රදේශයේදී මුස්ලිම් අන්තවාදී පිරිසක් වෙසක් කූඩු සහ බෞද්ධ කොඩි ගිනි තබා තිබූ අතර ඊට සැකපිට පරගම්මන මුස්ලිම් ගම්මානයේ 8 දෙනෙකු පොලීසිය විසින් අත්අඩංගුවට ගෙන නිදහස් කර තිබෙනවා.

ජාතික සංහිදියාවට ගිනි අවුලවමින් සිදුවූ මෙම අන්තවාදී ක්‍රියාවට එරෙහිව ප්‍රදේශයේ සිවිල් සංවිධාන සහ භික්ෂූන් වහන්සේලාගේ මැදිහත්වීමෙන් පසුගිය 26 පෙරවරුවේ මහියංගන නගරයේ සියළුම වෙළදසැල් වසා දමා සාමකාමීව විරෝධය පළ කිරීම සදහා කටයුතු සංවිධානය කර ඇත. අදාළ දිනයේ උද්ඝෝෂණ විරෝධතා පැවැත්වීම වළක්වමින් මහියංගනය පොලිස් ස්ථානාධිපතිවරයා විසින් තහනම් නියෝගයක් ලබාගෙන ඇති අතර මුස්ලිම් අන්තවාදී පිරිසගේ අල්ලසට යටවූ ඔහු ‘මුස්ලිම් කඩ වැසීමට’ එකෙකුටවත් ඉඩ දෙන්නේ නැතැයි පවසමින් තර්ජණය කළ බවද විරෝධතාව සංවිධානය කළ සිවිල් සංවිධාන ක්‍රියාකාරීන් පවසයි.

මේ අතර අදළ විරෝධතාව පිළිබදව ජනතාව දැනුවත් කිරීම සදහා “අන්තවාදයට එරෙහිව ආගමික සහජීවනය පෙන්වමු” යනුවෙන් පෝස්ටර් ඇලවූ තරුණයන් පස් දෙනෙකු සොයා පොලීසිය මේ වන විට මෙහෙයුම් අරඹා ඇත. බෞද්ධ කොඩි ගිනිතැබූ අන්තවාදීන් නිදැල්ලේ සිටියදී ඊට එරෙහිවූ තරුණයන් මහා අපරාධකරුවන් සේ සළකමින් ඔවුන් අත්අඩංගුවට ගැනීම සදහා මහියංගනය පොලීසිය ප්‍රදේශය පීරමින් සිටින බවද සිවිල් සංවිධාන ක්‍රියාකාරීන් චෝදනා කරයි.

සිදුව ඇති අසාධාරණය සම්බන්ධයෙන් ප්‍රදේශවාසී ස්වාමීන් වහන්සේලා විසින් මහා නායක හිමියන්, ජනාධිපතිවරයා, අගමැතිවරයා ඇතුළු දේශපාලකයන් දැනුවත් කර ඇතත් මේ දක්වා කිසිදු ක්‍රියාමාර්ගයක් ගෙන නැත. මේ අතර පසුගිය පළවෙනිදා මහියංගනය රාජමහා විහාරයේදී ප්‍රදේශවාසීන් දහසකට වැඩි පිරිසක් සහභාගීත්වයෙන් මහ අධිෂ්ඨාන පූජාවක් පවත්වා ඇත.

ජාතිවාදී බෙදුම්වාදී ඉල්ලීම් මුල්කරගනිමින් උතුරු නැගෙනහිර පළාත්වල හර්තාල් පවත්වද්දී ආගමික සහජීවනය වෙනුවෙන් හා තම අයිතිවාසිකම් වෙනුවෙන් සාමාකාමීව හඩ නැගීමටවත් සිංහල බෞද්ධ ජනතාවට පාලකයන් ඉඩක් ලබා නොදෙන බව සිවිල් සංවිධාන ක්‍රියාකාරීන් පවසයි.

 

Related posts

දේශීය ණය ප්‍රතිව්‍යුහගත කිරීමේ යෝජනා අද කැබිනට් මණ්ඩලයට

Admin

විභාග දෙපාර්තමේන්තුවේ එක් දින හා සාමාන්‍ය සේවා කවුළු නැවත දැනුම් දෙන තුරු වසා දැමේ

colombotoday

“මහා පරිමාණයෙන් කොමිස් ගසමින් කළ සංවර්ධනයේ ප්‍රතිඵල දැන් ජනතාවගේ හිස මත”

colombotoday

මුතුරාජවෙළ තෙත්බිමේ වගුරු ආශ්‍රිත බිම් අපද්‍රව්‍ය දමා පිරිවීමට එරෙහිව පරිසර යුක්ති කේන්ද්‍රය නඩු මගට

colombotoday

රිෂාඩ් බදුර්දීන් අත්අඩංගුවට ගන්න – නීතිපතිගෙන් පොලිස්පතිට නියෝග

colombotoday

ඇමති දයා ගමගේ පුද්ගලික හෙලිකොප්ටරයෙන් ආපදා සහන සේවයේ (Photo)

colombotoday