Colombo Today Local NewsTop Stories

කීත් නොයාර් පැහැර ගැනීම පිළිබද ෆොන්සේකාගෙන් ප්‍රකාශයක්‌ ගන්න නියෝග

ද නේෂන් පුවත්පතේ සම කර්තෘවරයා ලෙස කටයුතු කළ ජ්‍යෙෂ්ඨ මාධ්‍යවේදී කීත් නොයාර් මහතා පැහැරගෙන ගොස්‌ අමානුෂික ලෙස පහරදීම සම්බන්ධයෙන් සිදුකරන විමර්ශන සඳහා එවකට යුද හමුදාපතිවරයා ලෙස කටයුතු කළ ෆීල්ඩ් මාර්ෂල් සරත් ෆොන්සේකා මහතාගෙන් ප්‍රකාශයක්‌ ලබාගෙන නොමැති නම් අවශ්‍ය ප්‍රකාශ ලබාගෙන විමර්ශන සිදුකරන ලෙස ගල්කිස්‌ස මහෙස්‌ත්‍රාත් ලෝචනා අබේවික්‍රම මහත්මිය ඊයේ (02 වැනිදා) අපරාධ පරීක්‍ෂණ දෙපාර්තමේන්තුවට නියෝග කළාය.

එම පැහැර ගැනීම සම්බන්ධයෙන් චෝදනා එල්ල වී තිබුණේ එවකට යුද හමුදාපතිවරයා ලෙස කටයුතු කළ සරත් ෆොන්සේකා මහතාට බැවින් ඔහු සම්බන්ධයෙන් ද විමර්ශන සිදුකළ යුතු බව විත්තියේ නීතිඥවරු ඊයේ (02 වැනිදා) අධිකරණයට පෙන්වා දුන්හ.

විත්තියේ නීතිඥවරුන්ගේ එම කරුණු දැක්‌වීමට පිළිතුරු දුන් විමර්ශන නිලධාරීහු සරත් ෆොන්සේකා මහතාගෙන් මේ වනවිටත් ප්‍රකාශ සටහන් කර විමර්ශන සිදුකර ඇති බව අධිකරණයට පෙන්වා දුන්හ.

ප්‍රකාශ සටහන් කිරීම ප්‍රමාණවත් නොවන බැවින් ඔහු සම්බන්ධයෙන් ද විමර්ශන සිදුකරන ලෙසට නියෝගයක්‌ කරන්නැයි විත්තියේ නීතිඥවරු එහිදී අධිකරණයෙන් ඉල්ලා සිටියහ. ඒ අනුව එම නියෝගය නිකුත් කළ මහෙස්‌ත්‍රාත්වරිය ඒ සම්බන්ධයෙන් සිදුකළ විමර්ශනවල ප්‍රගතිය ඊළඟ නඩු දිනයේදී අධිකරණයට ඉදිරිපත් කරනා ලෙසට විමර්ශන නිලධාරීන්ට නියෝග කළාය.

එම නඩුවේ සැකකරුවකු වන විශ්‍රාමික මේජර් ජෙනරාල් අමල් කරුණාසේකර මහතා ලබන 16 වැනිදා දක්‌වා තවදුරටත් රක්‍ෂිත බන්ධනාගාරගත කිරීමට ද මහෙස්‌ත්‍රාත්වරිය එහිදී නියෝග කළාය

Related posts

“අර්ජුන් ගැන කතා අතාරින්න.. නාමල් ඇතුලට නොදා ඉන්නම්“ රනිල්ගෙන් මහින්දට ඩීල් එකක් !

colombotoday

ලිට්‍රෝ ගෘහස්ත ගෑස් සිලින්ඩර් වෙළෙඳපොළට නිකුත් කිරීම අත්හිටුවයි

colombotoday

CCTV දර්ශන වල තාජුඩීන් ඝාතකයන් ගැන සාක්ෂි නැති බව අධිකරණයේදී හෙළිවෙයි

colombotoday

“දකුණේ බලය මහින්දට නිසා ව්‍යවස්ථාව මග නවතී.. ෆෙඩරල් දැන් සිහිනයක්“ – සුමන්තිරන්

colombotoday

බැදුම්කර මගඩියෙන් රජයට සිදුවූ පාඩුව රුපියල් කෝටි එක්දහස් එකසියය ඉක්මයි !

colombotoday

ශ්‍රීලනිපයේ මතය අගමැතිට දැනුම් දෙයි

colombotoday