ඒකාබද්ධ පොදුජන පෙරමුණ විසින් පළාත් පාලන අයතන කිහිපයකට ඉදිරිපත් කළ නාම යෝජනා ලැයිස්තු ප්‍රතික්ෂේප වී තිබේ.
මහරගම, වැලිගම, බදුල්ල, මහියංගනය, පානදුර, අගලවත්ත යන පළාත් පාලන ආයතනවලට ඉදිරිපත් කළ ලැයිස්තු මෙසේ ප්‍රතික්ෂේප වී තිබේ.
කොට්ඨාස දෙකක් සම්බන්ධව මතුවූ ගැටළුවක් මත මහරගම නගරසභාවට ඉදිරිපත් කළ අපෙක්ෂක ලයිස්තුව ප්‍රතික්ෂේප වී තිබේ.
කාන්තා නියෝජනය ප්‍රමාණවත් නොවීම නිසා වැලිගම නගර සභාවට ඉදිරිපත් කළ අපෙක්ෂක ලැයිස්තුව ප්‍රතික්ෂේප වී තිබෙන අතර, නාමයෝජනා පත්‍ර යේ අපෙක්ෂකයෙකුගේ අත්සන ඇතත් නම සදහන් නොවීම නිසා බදුල්ල හා මහියංගන නාම යෝජනා ප්‍රතික්ෂේප වි ඇත.
මීට එරෙහිව අධිකරණ ක්‍රියාමාර්ග ගැනීම ඒකාබද්ධ පොදුජන පෙරමුණ තීරණය කර ඇති බව පැවසේ.