කොවිඩ්-19 වයිරසය ආසාදිත හෙද හෙදියන් 100ක් පමණ වාර්තා වනු ඇතැයි රාජ්‍ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද හිමියෝ ඊයේ (09) පැවසූහ.
කොවිඩ් ප්‍රතිකාර සඳහා අලුතින් ප්‍රතිකාර මධ්‍යස්ථාන සහ රෝහල්වල වාට්ටු ඉදි කළ ද ඒවාට යොමු කිරීමට අවශ්‍ය ප්‍රමාණවත් පුහුණු හෙද හෙදියන් නොමැති වීම ගැටලුවක් බව ද උන්වහන්සේ කියා සිටියහ.
මෙම ගැටලුවට සුදුසුම විසඳුමක් වනුයේ විශ්‍රාම ලත් පුහුණු හෙද හෙදියන් නැවත සේවයේ පිහිටුවා ඔවුන්ගෙන් අවශ්‍ය සේවාව ලබා ගැනීම බවත් ඒ සම්බන්ධයෙන් වන යෝජනාව ලිඛිතව ජනාධිපති ගෝඨාභය රාජපක්ෂ මහතාට දැනුම් දුන් බවත් උන්වහන්සේ පැවසූහ.