Colombo Today Local NewsTop Stories

ඊනියා කොටි සැමරුමට ඉඩ දෙයි – සිංහල රාවයට වාරණයක්!

ක්‍රිස්තියානි සහයෝගීතා ව්‍යාපාරය සහ අතුරුදහන් වුවන්ගේ පවුල් එකමුතුව විසින් “මුල්ලි වයිකාල් සැමරුම” නමින් වැඩසටහනක් පැවැත්වීමට කටයුතු සංවිධානය කර ඇති බවට සිංහල ජාතික සංවිධාන වෙත වාර්තා වී තිබුණා.

මීගමුව පොලිස් වසමේ අංක 10, ශාන්ත ජෝෂප් මාවත, මීගමුව ලිපිනයේ පිහිටි ජාතික ධීවර සහයෝගීතා ව්‍යාපාරය යන ස්ථානයේ දීයි මෙම වැඩසටහන පැවැත්වුණේ.

මෙම වැඩසටහනට විරෝධතාව පළ කරමින් සිංහල රාවය සංවිධානය ඇතුළු සිවිල් ක්‍රියාකාරී සංවිධාන කිහිපයක් විසින් එම ස්ථානයේ අද දිනයේ විරෝධතාවක් පැවැත්වීමට කටයුතු සූදානම් කොට තිබුණු අතර, එම විරෝධතාවයට වාරණයක් පනවමින් මීගමුව මහේස්ත්‍රාත් අධිකරණය විසින් නියෝගයක් නිකුත් කොට තිබෙනවා.

එම වාරණ නියෝගය නිකුත් කෙරුණේ ඔවුන් විරෝධතාවයේ නිරත වන අතරවාරයේදී.

එම අවස්ථාවේ ඉතා උණුසුම් තත්වයක් පැනනැගුණු අතර සිංහල රාවය ඇතුළු සිවිල් ක්‍රියාකාරී සංවිධාන විසින් දැක්වූ විරෝධය සහ පොලිස් නිලධාරීන් ඊට දැක්වූ පහත් ප්‍රතිචාරයන්ද අප කැමරාවේ සටහන් වූයේ මෙලෙසින්.

රජයේ ඊනියා රණවිරු සැමරුම පිළිබඳ ප්‍රශ්නගත කරුණු රාශියක් පැන නැගී ඇති සහ වගකිවයුත්තන් ඒ සම්බන්ධයෙන් මුනිවත රකින මොහොතක මෙවැනි ඊනියා කොටි සැමරුමකට ඉඩ ලබාදීමේ සහ එම සැමරුමට විරෝධය පළ කරමින් සිංහල ජාතික සංවිධාන විසින් සිදුකිරීමට නියමිතව තිබූ විරෝධයට බාධා කිරීමේ පදනම කුමක්ද යන කාරණය මෙහිදී පැන නැගෙනවා.

එසේම, සැමරුමට බාධාවක් නැති බව සහ එය ඔවුන්ගේ අයිතියක් බවට පිළිගන්නා නීතිය, ඊට එරෙහිවීමට තවත් ජන කොට්ඨාශයකට ඇති අයිතිය වාරණය කිරීමේ පදනම කුමක්ද යන කාරණයද මෙහිදී ප්‍රශ්නයට නැගිය යුතුව තිබෙනවා.

උක්ත විරෝධයට වාරණය පනවමින් අධිකරණ විසින් නිකුත් කොට ඇති වාරන නියෝගය සඳහන් ලිපිය පහතින්.

Related posts

විදුලි බිලට එරෙහි වූ හිමිනමක් ඇතුළු විරෝධතාකරුවන් 6ක් අත්අඩංගුවට

Admin

ලංකාව ගැන වාර්තා 2ක් සමඟ : මානව හිමිකම් කවුන්සිලයේ 39 සැසිය අද සිට

colombotoday

සාමාන්‍ය පෙළ ලියූ 527කගේ ප්‍රතිඵල අත්හිටුවයි

colombotoday

කැපී පෙනෙන වෙනසක්.. නවතම ICC ටෙස්ට් ශ්‍රේණිගත කිරීමේ ශ්‍රී ලංකාවට හිමිවූ තැන මෙන්න

colombotoday

දැන් ඇති හොඳම විකල්පය බැසිල් පාර්ශවය ශක්තිමත් කිරීමයි – නිර්මාල්

colombotoday

වැලිසර මාරක රිය අනතුර සිදු කළ 16 හැවිරිදි පාසල් සිසුවා සහ පියා රිමාන්ඩ්

colombotoday