මාධ්‍යවේදී කීත් නොයාර් පැහැරගෙන යෑමට අනුබල දීමේ චෝදනා මත රහස් පොලිසිය විසින් අත්අඩංගුවට ගත් යුද හමුදා හිටපු බුද්ධි අංශ ප්‍රධානී, ජාතික ආරක්ෂක විද්‍යා පීඨයේ සේනා විධායක මේජර් ජෙනරාල් අමල් කරුණාසේකර මහතා ලබන 18 දක්වා රක්ෂිත බන්ධනාගාරගත කිරීමට අධිකරණය අද නියෝග කළේය.
අමල් කරුණාසේකර මහතා පෙරේදා යුද හමුදා රෝහලට ඇතුළත් වී තිබුණු අතර ඊයේ සවස එම රෝහලට ගිය රහස් පොලිසිය ඔහු අත්අඩංගුවට ගත්තේය.
පොලිස් ආරක්ෂාව යටතේ එම රෝහලේ සිටි අමල් කරුණාසේකර මහතා පරීක්ෂා කර බැලූ ගල්කිස්ස අංක තුන අධිකරණයේ මහේස්ත්‍රාත්වරයා ඔහු රිමාන්ඩ් කරන ලෙස අද (6) සවස නියෝග කළේය.