තමන පාලන සමයේ සිදු වූ මිග් යානා ගනුදෙනුවේ සිදුව ඇති වංචාව සම්බන්ධයෙන් සිදුකරණ පරීක්ෂණවලට අදාළව අධිකරණයෙන් ජාත්‍යන්තර වරෙන්තු ලබා සිටින උදයංග වීරතුංග මහතාව තමන් විසින් ගෙන්වා දීමට සූදානම් බවත් අග්‍රාමාත්‍ය රනිල් වික්‍රමසිංහ මහතා තමන්ගේ හිතවතා වන මහ බැංකුවේ බැඳුම්කර වංචාවට සම්බන්ධ හිටපු අධිපති අර්ජුන් මහේන්ද්‍රන් මහතාව ගෙන්වාදීමේ කටයුත්ත සිදු කළ යුතු බව මහින්ද රාජපක්ෂ මහතා ඊයේ (18) අනුරාධපුරයේදි මාධ්‍යවේදීන් ඇසූ පැනයකට පිළිතුරු දෙමින් සඳහන් කර තිබේ.
මහ බැංකුවේ හිටපු අධිපති අර්ජුන් මහේන්ද්‍රන් මහතාටද ජාත්‍යන්තර වරෙන්තුවක් නිකුත් කර තිබේ.
“ආණ්ඩුවට ගෙන්වගන්න බැරි උදයංගව අපි ගෙන්නලා දෙනවා. අපි කිව්ව උදයංගට එන්න කියලා. මිනිහ දැන් ඒවි. ඉතින් ආණ්ඩුවට කරන්න බැහැනේ. ඒ වගේ අගමැතිතුමාටත් කියන්න ඇහැකි. එයාගෙ යාලුවනේ.” යනුවෙන් ප්‍රකාශ කර තිබේ.
උදයංග වීරතුංග මහතා මහින්ද රාජපක්ෂ පාලන සමයේ රුසියාවේ ශ්‍රී ලංකා තානාපතිවරයා ලෙස කටයුතු කළේය.
උදයංග වීරතුංග, අමෙරිකාවේ හිටපු ශ්‍රී ලංකා තානාපති ජාලිය වික්‍රමසූරිය සහ අර්ජුන් මහේන්ද්‍රන් යන දෙදෙනාම මේ වනවිට අධිකරණය මගහැර විදේශගතව සිටිති.