Colombo Today Local News

ඥාණසාර හිමි සිරගතකර චීවරය ගලවද්දී, උසාවියට ගල් ගැසූ අය නිදැල්ලේ… නීතිය කාටත් සමානලු !

පූජ්‍ය ගලගොඩඅත්තේ ඥාණසාර හිමියන් සිරගත කිරීම සම්බන්ධයෙන් කරුණු දක්වමින් හෙල බොදු සවිය සංවිධානය විසින් ජනාධිපතිවරයා වෙත ලිපියක් යොමුකර ඇත.

අතිගරු ජනාධිපති

පුජ්‍ය ගලගොඩඅත්තේ ඤාණසාර හිමි සම්බන්ධවයි.

දණ්ඩ නීති සංග්‍රහයේ අංක 386 සහ අංක 486 යටතේ පිළිවෙලින් සාපරාධී අඩන්තේට්ටම් කිරීම සහ සාපරාධී බිය ගැන්වීම යන චෝදනාවලට වරදකරු බව අධිකරණයේ නිග‍මනය වී  ඇත. මෙවැනි කාරණා සම්බන්ධයෙන් පැනනැගී ඇති නීතිමය කරුණු ඉතා පරිස්සමෙන් හා ඉවසීමෙන් කටයුතු කළයුතු බව සිහිපත් කළ යුතුය. රටක නීති පද්ධතිය ශක්තිමත් වීම හා බුදුන් වහන්සේ රටේ නීතියට ගරු කළ යුතුය යන බුද්ධ නියමය වන අතර අද පවතින ලෝක සම්මුතින් හා රාජ්‍ය නොවන සංවිධාන රාජ්‍යයට කරන බලපෑම මෙහිදි අප විසින් අවබෝධ කරගත යුතුය. ගලගොඩඅත්තේ ඥානසාර හිමියන්ගේ ආවේගකාරී හැසිරීම් රටාව සහ අදහස් ප්‍රකාශනයේ ශෛලය අප කිසිසේත් අනුමත නොකරන අතර උන්වහන්සේගේ විසින් දරණ මතවාදය බැහැර නොකරන බවද අවධානය කරමු.

අප ද ඉතා දිගු කලක සිට කියා සිටින්නේ රටකට එක නීති පද්ධතයක් අවශ්‍ය බවයි. එහෙත් අප රට තුළ ජාතින් අනුව නීති පද්ධතියට වෙනස් කරගෙන ඇත. නැගෙනහිර පළාතේ හා උතුරු පළාතේ අධිකරණ පද්ධතින්ට ගල්ගසන අයුරු අප විද්‍යුත් ජනමාධ්‍ය තුලින් දැක ගත හැකි විය. ධනය බලය ඇති අය සදහා නීතිය  ක්‍රියා කරන අයුරු මෙරට පොදු ජනතාවගේ අපැහැදිලිතාවක් තිබෙන බව පොදුවේ පිළිගත යුතු  කරුණකි. මෙවැනි සිදු වීම් මගින් රට අරාජික වී දේශපාලන හා ආර්ථික වාසි ලබා ගැනිමට කටයුතු කරන පිරිසක් ද සිටින බව අප මතක තබා ගත යුතුය.

මෙහි දි ශාසනික සම්ප්‍රදායන් අනුව විනය ක්‍රියාමාර්ග මත භික්ෂු වහන්සේගේ  සිවුර ගැලවිම සිදු කළ නොහැකිය. බුදුන් දවස වැඩ සිටි දේවදත්ත හිමි, පාරාජිකා වු සුදින්න හිමි, මෙන්ම උදායි හාමුදුරුවන්ගේ ක්‍රියා කලාපය තථාගතයන් වහන්සේ බැහැර කළ ද සිවුර ගැලවිමට ක්‍රියා නොකලහ. යටත්විජිත සමයේ දි  පුජ්‍ය වාරියපොල සුමංගල හිමියන් යාපනයට ගොස් සිරගත කළ ද සිවුරු ගැලවිමට ක්‍රියා නොකලහ. කොලොන්නාවේ තෙල් ටැංකියට ප්‍රහාර එල්ල කිරිමට ගෙනා ලොරි රථය තබා ගැනිමේ වරද, ශබ්ද විකාශන යන්ත්‍ර භාවිතා කිරිමේ වරදට ද හසු වූ උන්වහන්සේලාගේ දෙනමගේ සිවුරු ගැලවීමක් සිදු නොවිය.

මෙම සිදුවිම ආදර්ශයට ගෙන දැනට අධිකරණ සංවිධාන (සංශෝධන) පනත් කෙටුම්පත පාර්ලිමේන්තුවට ඉදිරිපත් කර ඇති බැවින් ඒ පනත හරහා ම  ත්‍රෛනිකායික දැන උගත් මහා සංඝයාගේ මැදිහත් වීමෙන් ශාසනික අනන්‍යතාවයකින් හෙබි නෛතික රාමුවකින් සමන්විත සංඝාධිකරණයක් ඇති කිරිමේ බලවත් අවශ්‍යතාවක් පැන නැගී ඇත. එසේ නොකර ඤාණසාර හිමියන් සිවුර ඉවත් කර සිරබත් කෑමට යොමු කිරිමෙන් බෞද්ධයන් තුළ  ගොඩනැගි ඇති  ගැටළු සදහා විසදුමක් නොවන බව මෙහිදි  අපි දැඩි සේ අවධානය කර සිටිමු.

තෙරුවන් සරණයි!

බුදුගල ජිනවංස හිමි
සභාපති

Related posts

ISIS තර්ජණ ඇතිබව කියමින් කොළඹ සෞදි තානාපති කාර්යාලයේ ආරක්ෂාවට සෞදි පොලීසිය ගෙන්වයි

colombotoday

හිටපු ජනාධිපති මෛත්‍රීට කොවිඩ්

Admin

උඩරට වෙස් ඇදුම් කට්ටලය ලෝක උරුමයක් බවට පත් කරයි

Admin

මහ බැංකුව, වාණිජ බැංකු සහ රක්ෂණ ආයතන අත්‍යාවශ්‍ය සේවා යටතට

colombotoday

මිනුවන්ගොඩ ඇඟලුම් ආයතනයෙන් ඊයේ හමුවූ කොවිඩ් ආසාදිතයින්ගේ තොරතුරු

colombotoday

අලුත් පක්ෂයේ සභාපති ජී.එල්. පීරිස් ශ්‍රීලනිපයෙන් නෙරපයි !

colombotoday