ඇමරිකානු ජනාධිපති ඩොනල්ඩ් ට්‍රම්ප් විසින් ක්‍රියාත්මක කිරීමට නියෝග කෙරුණු නව තීරුබදු ප්‍රතිපත්තිය හේතුවෙන් මෙරට ලක්ෂයක පමණ ජනතාවකට රැකියා අහිමි වනු ඇතැයි හිටපු ජනපති රනිල් වික්‍රමසිංහ කියයි.
අද දින මාධ්‍ය අමතමින් විශේෂ ප්‍රකාශයක් සිදු කළ හිටපු ජනපතිවරයා මෙම අදහස් පළ කොට සිටියේය.
යම්හෙයකින් ලංකාවට පනවා ඇති තීරු බද්ද අඩු කළද 25%ක හෝ 30%ක තීරු බදු ගෙවීමට අපට සිදු වේ නම් මෙරට ව්‍යාපාර වල ලාභාන්තිකය සලකා බැලීමේදී ආර්ථිකයට මෙය විශාල ගැටළුවක් විය හැකි බැව් ඔහු කියා සිටී.
එසේම, අපගේ ගෙවුම් ශේෂයටද මෙම බදු පැනවීම මරු පහරක් වනු ඇතැයි හිටපු ජනපතිවරයාගේ අදහස වී තිබේ.
හිටපු ජනපතිවරයා දැක්වූ අදහස් ඇතුළත් සම්පූර්ණ වීඩියෝව පහතින්.