සෞඛ්‍ය වෘත්තිය සමිති සන්ධානය පවසන්නේ ඩැට් දීමනාව සම්බන්ධයෙන් සෞඛ්‍ය අමාත්‍ය වෛද්‍ය රමේෂ් පතිරණ මහතා සමග අද(19) දිනයේ තීරණාත්මක සාකච්ඡාවක් පැවැත්වෙන බවයි.
එහි සම කැඳවුම්කරු රවී කුමුදේශ් මහතා පැවසන පරිදි පෙරවරු 11.00 ට පමණ සෞඛ්‍ය අමාත්‍යාංශයේදී සාකච්ඡාව පැවැත්වේ.
එම සාකච්ඡාව ද අසාර්ථක වුවහොත් අද පස්වරුවේ රැස්වී සිය වෘත්තීය සමිති ක්‍රියාමාර්ගය සම්බන්ධයෙන් අවසන් තීරණයක් ගන්නා බව ඔහු වැඩි දුරටත් සදහන් කරයි.
වෛද්‍යවරුන් සඳහා වැඩි කළ රුපියල් 35,000 ක ඩැට් දීමනාව තමන්ට ද ලබා දෙන්නැයි ඉල්ලා සෞඛ්‍ය වෘත්තිය සමිති 72ක් එක් ව පසුගිය සති කිහිපය තුළ අවස්ථා දෙකකදී වෘත්තීය සමිති ක්‍රියාමාර්ගවල නිරත විය.