ශ්‍රී ලංකාවෙන් ඉකුත් 24 පැයේ කොවිඩ් ආසාදිතයින් 997 දෙනකු වාර්තා වූ බව සෞඛ්‍ය ප්‍රවර්ධන කාර්යාලය නිකුත් කළ දෛනික වාර්තාවේ දැක්වේ.
එය මෙරටින් දිනකදී වාර්තා වූ වැඩිම ආසාදිතයින් සංඛ්‍යාව ලෙස ද සැලකේ.
මේ වන විට මෙරටින් වාර්තා වූ ආසාදිතයින් සංඛ්‍යාව 102,376ක් දක්වා ඉහළ ගොස් ඇති අතර ඉන් 94,577 දෙනකු පූර්ණ සුවය ලබා රෝහල්වලින් පිටව ගොස් ඇතැයි ද එම වාර්තාවේ සඳහන්ය.
ආසාදිතයින් 7,152 දෙනෙක් මේ වන විටත් රෝහල්වල ප්‍රතිකාර ලබමින් සිටිති.
මේ වන විට මෙරටින් වාර්තා වී ඇති කොවිඩ් ආසාදිත මරණ සංඛ්‍යාව 647 කි.