දැනට අත්අඩංගුවේ පවතින ගාලු වරායේ නැංගුරම් ලා ඇති ඇවන්ගාර්ඩ් නෞකාව අද පස්වරුවේ අපරාධ පරීක්ෂණ දෙපාර්තමේන්තුව විසින් පරීක්ෂාවට ලක් කර තිබෙනවා.
ගාල්ල වරාය පොලීසිය ගාල්ල මහේස්ත්‍රාත් අධිකරණයෙන් ලබාගත් අවසරය අනුව නෞකාවේ ආයුධ පරීක්ෂා කරීම සදහා අපරාධ පරීක්ෂණ දෙපාර්තමේන්තුවේ නිලධාරීන් මෙසේ නෞකාවට ඇතුළු වී තිබෙනවා.
විමර්ෂණ වලින් අනතුරුව නෞකාවේ ආයුධ ගබඩාවට මුද්‍රා තැබූ අතර නෞකාවේ ඇති අවි ආයුධ ගණන් කිරීමේ කටයුතු සඳහා පොලිස් විශේෂ කාර්ය බලකායේද සහය ලබා ගැනුණු බව සදහන් වනවා.
නාවික හමුදාව මගින් අත්අඩංගුවට ගනු ලැබූ මෙම නෞකාව සම්බන්ධයෙන් පරීක්ෂණ පැවැත්වීම පසුව පොලිසියට භාර දුන් අතර මෙම නෞකාවේ ගිනි අවි 816ක් සහ උණ්ඩ ලක්ෂ 2කට ආසන්න ප‍්‍රමාණයක් ඇති බවයි නාවික හමුදාව මීට පෙර පොලිසියට කළ පැමිණිල්ලක සදහන් වූයේ.