Colombo Today Local News

CIDය ජනපති ඝාතන කුමන්ත්‍රණය ගැන සත්‍ය යටපත් කරනවා – නාමල් කුමාර

ජනාධිපති මෛත‍්‍රිපාල සිරිසේන සහ ගෝඨාභය රාජපක්‍ෂ යන මහත්වරුන් ඝාතන කුමන්ත‍්‍රණය පිළිබඳ සත්‍ය යටපත් කිරීමට අපරාධ පරීක්‍ෂණ දෙපාර්තමේන්තුවේ විමර්ශන නිලධාරීන් මෙහෙයුමක් දියත් කර ඇති අතර ඉදිරියේදී සියල්ල හෙළි කරන බව දූෂණ විරෝධී පෙරමුණේ අධ්‍යක්‍ෂ නාමල් කුමාර පවසයි.

රටේ පළමු පුරවැසියා වන ජනාධිපතිවරයා ඝාතනයට කුමන්ත්‍රණයක්‌ කර තිබියදී අපරාධ පරීක්‍ෂණ දෙපාර්තමේන්තුවේ නිලධාරීන් ඒ පිළිබඳ විමර්ශනය අදක්‍ෂ හා මන්දගාමී අයුරින් කරගෙන යන්නේ ඒ නිසා බවද හෙතෙම සඳහන් කළේය.

රජයේ ඉහළම ආරක්‍ෂක අංශ ප්‍රධානියකු ඝාතනය කිරීමට තමන් කළ සැලසුමක්‌ හොංකොංහිදී හඬපට පරීක්‍ෂාවේදී හෙළි වී ඇතැයි කියමින් එක්‌තරා වෙබ් අඩවියක ඉකුත්දා පුවතක්‌ පළ වී තිබුණු බව කී නාමල් කුමාර මහතා මෙම පුවතෙන් විමර්ශන නිලධාරීන්ගේ යටි අරමුණ හොඳින් පැහැදිලි වන බවද කීය.

රහස්‌ පොලිසිය කරන විමර්ශනයක තොරතුරු වෙබ් අඩවියකට ලැබුණේ කෙසේද යන්න පිළිබඳව බලධාරීන් වහා විමර්ශනයක්‌ කළ යුතු බවද ඔහු පැවසීය.

තමන් කළැයි කියන ඝාතන සැලසුමට අදාළ උසස්‌ ආරක්‍ෂක අංශ නිලධාරියා වන්නේ පොලිස්‌ විශේෂ කාර්ය බළකායේ අණදෙන නිලධාරී ජ්‍යෙෂ්ඨ නියෝජ්‍ය පොලිස්‌පති එම්. ආර්. ලතීෆ් මහතා බවද ඔහු පැවසීය.

හිටපු නියෝජ්‍ය පොලිස්‌පති නාලක ද සිල්වා පොලිස්‌ විශේෂ කාර්ය බළකායෙන් ලතීෆ් මහතා පන්නා දැමීමට තමන් දරන ප්‍රයත්නය සමග කතා බහ කළ අවස්‌ථාවක හෙළි වූ බවද ඔහුගේ යටි අරමුණ දැන ගැනීම සඳහා සියල්ල පටිගත කරන අතරේ ලතීෆ් මහතා පිළිබඳ දිගින් දිගටම ඔහු කතා කළ බවද නාමල් කුමාර කීය. තමන් ඒ හඬපටය මුල්ම අවස්‌ථාවේ රහස්‌ පොලිසියට භාරදුන් බවද ඒ මහතා පැවසීය.

ඒ පිළිබඳ හොංකොං නුවරට ගොස්‌ හෙළි කර ගැනීමට දෙයක්‌ නොමැති බවද ජනාධිපතිවරයා යටතේ පොලිසිය තිබියදී අපරාධ පරීක්‍ෂණ දෙපාර්තමේන්තුවේ නිලධාරීන් මේ අයුරින් කටයුතු කිරීම විශ්මයට කරුණක්‌ බවද හෙතෙම අවධාරණය කළේය.

(දිවයින)

Related posts

සොයිසාට ගේම දුන් එස්‌. එෆ්. ලොකූ බන්ධනාගාරය ඇතුළේ පිස්‌සු නටන හැටි

colombotoday

” තේ වලට කාබනික පොහොර ගැලපෙන්නේ නෑ.වතුකර ජනතාවගේ රැකියා අහිමිවීමේ අවදානමක් තිබෙනවා “

colombotoday

පාසල් දරුවන් තලාපෙළා මුදල් කොල්ල කෑමට උතුරු මැද අධ්‍යාපන අමාත්‍යාංශය සැරසෙයි

colombotoday

කොටි මිනීමරුවන් 74ක්‌ බේරාගැනීමට 39 වැනි ජිනීවා සැසිවාරයට බොරු වාර්තා…

colombotoday

මහවැලි බී කලාපයේ ගොවී නායකයින් වී සදහා පාලන මිලක් වෙනුවට සහතික මිලක් ඉල්ලයි

colombotoday

උඩ පළාත ප්‍රා.සභා මන්ත්‍රීලා ගුටි ඇනගනිති… සභාපති, විපක්ෂනායක රෝහලේ

colombotoday