වත්මන් රජය ඊශ්‍රායල රජය සමග වැඩි වශයෙන් සබදතා පැවැත්වීමට කටයතු කරමින් සිටින බවත් ඊශ්‍රායල රජය කොළඹ පිහිටි කෝටි ගණන් වටිනා ඉඩම් වෙනුවෙන් ආයෝජනය කර ඇති බවත් මධ්‍යම පළාත් සභා මන්ත්‍රී අසාත් සාලි පවසයි. ඊශ්‍රායල ජාතිකයන් මෙරටට පැමිණීම, ලංකාවේ ඊශ්‍රායල මහ කොමසාරිස් කාර්යාලයක් පිහිටුවීම සහ ඔවුන් මෙරට ස්ථාවර වීම හේතුවෙන් මෙරටේ විනාශය ආරම්භ වනු ඇති බවද ඔහු පවසනවා.
ඊශ්‍රායලය සමග මිත්‍ර සම්බන්ධකම් පැවැත්වීම භයානක බවත් මේ වන විට ඊශ්‍රායලය පලස්තීනයේ සිදු කරන කුරිරු ක්‍රියා දෙස ලොවම බලා සිටින බවත් ඔහු බවත් ඔහු පවසනවා.
එමෙන්ම වත්මන් ජාතික ආණ්ඩුවෙන් මුස්ලිම් ජනයාගේ ගැටළුවලට විසදුමක් ලැබේයැයි විශ්වාස කළ නොහැකි බවත් ඔහු සදහන් කරනවා. අසාත් සාලි මන්ත්‍රීවරයා මේ බව ප්‍රකාශ කළේ පසුගිය 28 වනදා “බලය බෙදා රට එක්සත් කරමු” නම් වූ සංවිධානයක් කැදවා තිබූ මාධ්‍ය සාකච්චාවක් අමතමිනි.