නීතිඥ සංගම් නිලවරණය ඉතා පහත් මට්ටමකට පත්ව තිබීම හේතුවෙන් පහත් අන්දමින් මැතිවරණ ව්‍යාපාරයේ යෙදෙන්නන්ට ඡන්දය නොදිය යුතු බවට ජේෂ්ඨ නීතිඥවරු තීරණයක් ගැනීමට සුදානමින් සිටින බව වාර්තා වෙනවා.
සභාපතිධුරය සඳහා තරඟ වදින එක් අපේක්ෂකයෙකුගේ පාර්ශවයක් විසින් නීතිඥ ආචාර ධර්ම පවා හෑල්ලුවට ලක් කරමින් තම මැතිවරණ ව්‍යාපාරය මෙහෙයවන බවටයි ජේෂ්ඨ ජනාධිපති නීතිඥවරයෙකු අප සමග සඳහන් කර සිටියේ.
නීතිඥවරුන් මෙරට උගත්ම වෘතිකයන් ලෙස සමාජයේ පිළිගැනීමට ලක්වන නමුත් මෙවර නීතිඥ සංගම් නිලවරණය වෙනුවෙන් පෑන්,දින පොත් ආදි මැතිවරණ තුටු පඬුරු බෙදාදීමේ ප්‍රාථමික ක්‍රියා ද පසුගිය දිනවල දක්නට ලැබිණි.
එක් අපේක්ෂකයෙකුට එරෙහිව සිදුවන මඩ කැම්පේන් සහ SMS කැම්පේන් පිළිබඳව ද දැන් දැන් අසන්නට ලැබෙමින් පවතියි.
අප වෙත ලැබී ඇති එවැනි කෙටි පනිවුඩයක මෙසේ දැක්වෙයි.
නීතිඥ සංගමයේ සභාපති ධූරය සඳහා ජනාධිපති නීතිඥවරුන් වන සාලිය පීරිස් සහ කුවේරා ඩි සොයිසා යන මහත්වරුන් ඉදිරිපත්ව ඇත.