ශ්‍රී ලංකාවේ සෑම පවුලකම තරුණ තරුණියන්ට ඉතා අඩු මුදලට ස්මාර්ට් ජංගම දුරකථනයක් සහ ටැබ්ලට් පරිගණකයක් ලබාදීමේ විශේෂ ව්‍යාපෘතියක් ඇරැඹීමට නියමිත බව විදුලි සංදේශ හා ඩිජිටල් යටිතල පහසුකම් ඇමැති හරීන් ප්‍රනාන්දු මහතා පවසයි.
ලංකාවේ ප්‍රධාන රෝහල් සියල්ලම ඩිජිටල් තාක්ෂණය යටතේ පරිගණක ජාලගත කිරීමටත් ඒ හරහා රෝගීන්ට වඩා පහසු සේවාවක් ලබාගැනීමට හැකිවනු ඇති බවත් ඇමැතිවරයා සඳහන් කළේය.
‘ඉ-හෙල්ත් ඒෂියා 2015‘ සමුළුවට එක්වෙමින් ඇමැතිවරයා මේ බව කීවේය.