තමන් ඇතුළු කෝප් කමිටුව නියෝජනය කළ එක්සත් ජාතික පක්ෂ මන්ත්‍රීවරුන් යෙදූ පාද සටහන් නිවැරදි බව බැඳුම්කර විමර්ෂණ වාර්තාවෙන් තහවුරු වී ඇති බව නියෝජ්‍ය අමාත්‍ය අජිත් පී. පෙරේරා මහතා පවසයි.
ඊයේ (31) කොළඹ පැවති මාධ්‍ය හමුවකට එක් වෙමින් නියෝජ්‍ය අමාත්‍යවරයා මේ බව ප්‍රකාශ කළේය.
ජනාධිපති පරීක්ෂණ කොමිසම් සභාව අදාළ පාද සටහන් සාක්ෂිවලට අනුකූල බවත් නිවැරදි බවත් තීරණය කර ඇති බව නියෝජ්‍ය අමාත්‍ය අජිත් පී පෙරේරා මහතා පැවසීය.
පාද සටහන් සහිත වාර්තාව පමණක් ජනාධිපති පරීක්ෂණ කොමිසම් සභාව විසින් පිළිගෙන ඇති බවත් එක්සත් ජාතික පක්ෂයට බැඳුම්කර කොමිසම් වාර්තාවෙන් චෝදනා එල්ලවී නොමැති බවද නියෝජ්‍ය අමාත්‍යවරයා වැඩිදුරටත් ප්‍රකාශ කළේය.