අපොස සාමාන්‍ය පෙළ විභාගයේ (2022) උත්තර පත්‍ර ඇගයීම් පළමු අදියර අනිද්දා (18)දින ආරම්භ කරන බවත් එම අදියර ලබන 27 වැනිදා අවසන් කිරීමට නියමිත බවත් නියෝජ්‍ය විභාග කොමසාරිස් ලසික සමරකොන් මහතා පවසයි.
රටපුරා මධ්‍යස්ථාන 100 කදී ඇගයීම් කටයුතු ක්‍රියාත්මක වන බවත් ඒ සඳහා ගුරුවරු 27,500 ක් පමණ සහභාගි වන බවත් නියෝජ්‍ය විභාග කොමසාරිස්වරයා කියයි.
උත්තර පත්‍රවලින් ලක්ෂ 26කට ආසන්න සංඛ්‍යාවක් හෙවත් සියයට 90 කට ආසන්න ප්‍රමාණයක් පළමු අදියරේදී ඇගයීමට ලක්වන බව කී ඒ මහතා නගර 56 ක ඇගයීම් මණ්ඩල 1,721 ක අධීක්‍ෂණයෙන් ඇගයීම් කටයුතු ක්‍රියාත්මක වන බව ද සඳහන් කරයි.