නිලධාරීන් තිදෙනෙකුට කොවිඩ් ආසාදනය වී ඇතැයි හඳුනා ගැනීම නිසා සුරාබදු දෙපාර්තමේන්තු මූලස්ථානයේ මෙහෙයුම් මැදිරිය තාවකාලිකව වසා දැමූ බව සුරාබදු කොමසාරිස් (නීති) කපිල කුමාරසිංහ මහතා පවසයි.
එම ආසාදිත නිලධාරීන්ගේ ආශ්‍රිතයන් සොයාගෙන නිරෝධායනය කිරීමට පියවර ගෙන ඇතැයිද හෙතෙම සඳහන් කළේය.
සුරාබදු දෙපාර්තමේන්තුවේ මෙහෙයුම් අංශය තාවකාලිකව වසා දැමුවත් මෙහෙයුම් කටයුතු වෙනත් ක්‍රම සහ විදි පාවිච්චි කරමින් සිදුකරගෙන යන බව පැවසූ කුමාරසිංහ මහතා දෙපාර්තමේන්තුවේ කටයුතු අඩාලවීමට කිසිවිටෙකත් ඉඩ නොතබන බවද පැවසීය.
නිලධාරීන් මාර්ගගත ක්‍රම පාවිච්චි කරමින් ඒ කටයුතු කරන බවද ඔහු කීවේය.