යේමනයේ හූති සටන්කරුවන් විසින් සෞදි අරාබියේ ඛනිජ තෙල් නිෂ්පාදන මර්මස්ථානය ලෙස සැලකෙන රාස් ටෙනුරා හි පිහිටි “සෞදි ඇරම්කො” මධ්‍යස්ථානයට ප්‍රහාරයක් එල්ලකර තිබේ.
ඩ්‍රෝන සහ මිසයිල යොදාගෙන එම ප්‍රහාර එල්ල කළ බව විදෙස් මාධ්‍ය පවසයි.
එම ප්‍රහාර එල්ල කොට ඇත්තේ ලෝක ඛනිජ තෙල් සැපයුමට බාධා කිරීමට බව ද අනුමාන කෙරේ.
නමුත් එම ප්‍රහාර හේතුවෙන් රාස් ටෙනුරා හි පිහිටි ගබඩා සංකීර්ණයට හෝ එහි අනෙක් දේපල වලට හෝ සේවකයින්ට හානියක් නොවූ බව සෞදි බලශක්ති අමාත්‍යංශය පැවසීය.
ගබඩා සංකීර්ණයට අමතරව ඛනිජ තෙල් පිරිපහදු මධ්‍යස්ථානයක් සහ ලොව විශාලම ඛනිජ තෙල් සැපයුම් පහසුකම් මධ්‍යස්ථානය එහි ස්ථාපිත කර තිබේ.