පොලිස් නිලධාරීන්ට ලබා දෙන සංයුක්ත දීමනාව වැඩි කිරීමට පියවර ගන්නා බව මහජන ආරක්ෂක අමාත්‍යාංශය පවසයි.
එම අමාත්‍යාංශයේ ලේකම් එස්. හෙට්ටිආරච්චි මහතා සඳහන් කරන්නේ, කැබිනට් මණ්ඩල ප්‍රතිපත්තියක් ලෙස ඒ සඳහා සිය අනුමැතිය ලබාදී ඇති බවය.
කෙසේ වෙතත් පවතින ආර්ථික අර්බුදය හමුවේ වැඩි කරන ලද කාලයට අදාල දීමනාව ගෙවීම කල්දැමීමට පියවර ගෙන ඇති බව ලේකම්වරයා ප්‍රකාශ කළේ ය.
දැනට දින 14 ක් දක්වා පමණක් ගෙවනු ලබන සංයුක්ත දීමනාව ඉදිරියේදී දින 21 දක්වා වැඩි කිරීමට යෝජනා කර ඇති බව මහජන ආරක්ෂක අමාත්‍යාංශ ලේකම්වරයා පැවසීය.
පොලිස් නිලධාරීන්ට ගෙවනු ලබන සලාක දීමනාව වෙනුවට, ඊට සරිලන ප්‍රතිශතයකින් මෙම සංයුක්ත දීමනාව වැඩි කිරීමට නියමිතව තිබේ.