Colombo Today Local News

සෞඛ්‍ය සේවය කඩාවැටීමේ බරපතළ අවදානමක් – රජයේ වෛද්‍යවරුන්ගේ සංගමයෙන් අනතුරු අඟවයි

වෛද්‍යවරුන් ඇතුළු සෞඛ්‍ය කාර්ය මණ්ඩලයේ ප්‍රවාහන ප්‍රශ්නය නොවිසඳුණහොත් මුළු මහත් සෞඛ්‍ය සේවය ලබන සතියේ සිට කඩාවැටීමේ බරපතළ අවදානමක් පවතින බව රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය දර්ශන සිරිසේන මහතා කීය.

මේ හේතුවෙන් සෞඛ්‍ය කාර්ය මණ්ඩල සඳහා ප්‍රවාහන පහසුකම් සැපයීමට විධිමත් වැඩපිළිවෙලක් ක්‍රියාත්මක කරන්නැයි රජයෙන් ඉල්ලීමක් කරන බවද හෙතෙම සඳහන් කරයි.

රටේ පැන නැගී ඇති ප්‍රශ්න විසඳීමට පවතින රජයට හැකියාවක් නැති බව පෙනෙන්නට ඇතැයි පැවසූ සිරිසේන මහතා කාටත් පිළිගත හැකි පොදු වැඩපිළිවෙළක් සඳහා ඒකරාශී වීම මේ මොහොතේ ඉතා වැදගත් බවද පෙන්වා දුන්නේය.

සියලු දේශපාලන පක්ෂ රට ගැන සිතා පොදු වැඩසටහනක් වෙනුවෙන් ඒකරාශීවී කටයුතු කරනු ඇතැයි බලාපොරොත්තු වන බවද සභාපතිවරයා කීය.

රටේ මතුවී ඇති අර්බුදය සම්බන්ධයෙන් රජයේ වෛද්‍ය නිලධාරීන්ගේ සංගමය අවධානයෙන් සිටින බව ඔහු වැඩිදුරටත් සදහන් කළේය.

Related posts

රු. 120.00 ක පොල් ගෙඩියක් සොරා ගත් සැකකරුට රු. ලක්ෂයක ශරීර ඇපයක්.

colombotoday

ජාතික ආරක්ෂාව තර්ජණයක් වෙන්න නම් “පරණ බඩුමුට්ටු” තව කොපමණ හමුවිය යුතුද? – ආරක්ෂක ලේකම්ගෙන් විමල් අසයි

colombotoday

නෙළුවේදී වෑන් දෙකක් ගැටී ප්‍රංශ ජාතික තරුණියක් මිය යයි

Admin

ගාල්ලේ පාසල් තවදුරටත් වසා තැබීමේ තීරණයක්

colombotoday

මහනුවර රජ මාවතෙන් අභිරහස් උමගක් මතුවෙයි

colombotoday

ජනපති හදිසි නිරීක්ෂණ චාරිකාවක

colombotoday