මොරටුව කටුබැද්ද මංසන්ධිය ආසන්නයේ 255 බස්රථ මාර්ගයේ වෙඩි තැබීමක් සිදුව තිබේ.
වෙඩි තැබීමෙන් පුද්ගලයින් දෙදෙනෙකු මියගොස් ඇති බව වර්තා වේ.
පොලීසිය සදහන් කරන්නේම, අද දහවල් 1ට පමණ මෙම වෙඩි තබීම සිදුව ඇති බවයි.
යතුරු පැදියකින් පැමිණි නාදුනන පුද්ගලයින් දෙදෙනෙකු විසින් මෙම වෙඩි තැබීම සිදුකර පලාගොස් ඇති බවට දැනට සිදුකළ මූලික විමර්ශනවලදී පොලීසිය අනාවරණය කර ගෙන තිබේ.
මෙම වෙඩි තැබීම සම්බන්ධයෙන් ගල්කිස්ස, අඟුලාන, මොරටුව, මොරටුමුල්ල, යන පොලිස් ස්ථානයන්හි නිලධාරීන් පරීක්ෂණ ආරම්භ කර ඇත.
මේ අතර පසුගිය සති කිහිපය ඇතුළත නාඳුනන තුවක්කුකරුවන්ගේ වෙඩිතැබීම්වලින් පුද්ගලයින් 18 දෙනෙක් පමණ මරණයට පත්වී තිබේ.
පොලීසිය පවසන්නේ මත්ද්‍රව්‍ය ජාවාරම්කරුවන් අතර ඇති ගැටුම් හේතුවෙන් එම වෙඩිතැබීම් සිදුකෙරෙන බවට සැකකරන බවයි.