මෙතෙක් කරගෙන ආ විමර්ෂණ කටයුතු සුපුරුදු පරිදි ක්‍රියාත්මක කරන ලෙස අග්‍රාමාත්‍ය රනිල් වික්‍රමසිංහ මහතා CID හා FCID ප්‍රධානීන්ට දැන්වා ඇතැයි වාර්තා වේ.
අද පස්වරුවේ CID හා FCID ප්‍රධානීන් සහ විෂය භාර අමාත්‍ය සාගල රත්නායක මහතා අතර පැවැත්වූ සාකච්ඡාවේදී, අමාත්‍යවරයා පොලිස් ප්‍රධානීන්ට පවසා ඇත්තේ ‘ඔබතුමන්ලා මෙතෙක් කරගෙන ආ පරීක්ෂණ හා විමර්ශන කටයුතු ඒ ආකාරයෙන්ම ඉදිරියටත් කරගෙන යන ලෙස අගමැතිවරයා දැන්වූ’ බවයි.
මේ අතර ජනාධිපතිවරයා කරන ලද ආන්දෝලනාත්මක ප්‍රකාශය හේතුවෙන් අල්ලස් හෝ දූෂණ විමර්ෂණ කොමිසමේ අධ්‍යක්ෂ ජෙනරාල් දිල්රුක්ෂි වික්‍රමසිංහ මහත්මිය සිය ධුරයෙන් ඉල්ලා අස්වන බවට අගමැතිවරයාට දන්වා ඇතැයි, එජාපයට හිතවත් මාධ්‍ය වාර්තා කර ඇත.