අන්තර්ජාල සමාජ වෙබ් අඩවි ඔස්සේ ජනපති මෛත්‍රිපාල සිරිසේන මහතාට මරණීය තර්ජන එල්ල කළ බව කියන පුද්ගලයකු මැලේසියාවේ සිට ඊයේ (27) ශ්‍රී ලංකාවට පැමිණි අවස්ථාවේ දී රහස් පොලිසිය විසින් අත්අඩංගුවට ගනු ලැබූ බව පොලිස් මාධ්‍ය ප්‍රකාශක කාර්යාලය පවසයි.
බොදුබල සේනා මහ ලේකම් ගලබොඩඅත්තේ ඥානසාර හිමි ඇතුළු භික්ෂූන් වහන්සේලා සහ රණවිරුවන් රිමාන්ඩ් කිරීමටත් විරෝධය පා ඔහු ජනපතිට එරෙහි මරණීය තර්ජන සහිත පණිවිඩ සටහන් ෆේස්බුක් ගිණුමේ පළ කළ බව වාර්තා වේ.
මෙම පුද්ගලයා වීසා නොමැතිව මැලේසියාවේ රැඳීසිටියදී එරටින් පිටුවහල් කර තිබේ. ඒ අනුව අද දින කටුනායක ජාත්‍යන්තර ගුවන් තොටුපලේදී අපරාධ පරීක්ෂණ දෙපාර්තමේන්තුවේ නිලධාරීන් විසින් මොහුව අත්අඩංගුවට ගෙන ඇත.