එක්සත් ජාතික පක්ෂ උපනායක කොළඹ දිස්ත්‍රික් පාර්ලිමේන්තු මන්ත්‍රී රවී කරුණානායක මහතාට යළි කැබිනට් අමාත්‍යධුරයක් ලබාදීමට එක්සත් ජාතික පක්ෂ දේශපාලන කමිටුවේ දී අවසන් එකඟතාවයකට පැමිණ ඇතිබව වාර්තාවේ.
ඒ, යළි කැබිනට් අමාත්‍යධුරයට පත් කරනවාට කිසිදු විරෝධතාවයක් නැති බව ජනාධිපතිවරයා තමාට දැනුම් දී ඇතැයි පාර්ලිමේන්තු මන්ත්‍රී රවි කරුණානායක මහතා එම කමිටුව හමුවේ ප්‍රකාශ කිරීමෙන් අනතුරුව පැවති දීර්ග කතාබහකින් අනතුරුවය.
එක්සත් ජාතික පක්ෂ දේශපාලන කමිටු රැස්වීම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් කොළඹ 07 රාජ්‍ය පරිපාලන අමාතයාංශයේදී පෙරේදා (05) පැවැත්විණි.