බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට පහරදී තුවාල කළැයි කියන සැකකරුවන් තිදෙනා ලබන 19 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් තිලිණ ගමගේ මහතා අද (12)දින නියෝග කළේය.
මෙම සැකකරුවන් එදිනට හදුනාගැනීමේ පෙරට්ටුවකට ඉදිරිපත් කිරීම සඳහා ආවරණ සහිතව අධිකරණයට ඉදිරිපත් කරන ලෙසටද මෙහිදී මහේස්ත්‍රාත්වරයා බන්ධනාගාරයට නියෝග කළේය.
මෙම සිද්ධියට අදාළ හදුනාගැනීමේ පෙරට්ටුව අද (12) දිනයේ පැවැත්වීමට නියමිතව තිබුණද, මෙහි ප්‍රධාන සාක්ෂිකරු වන පොලිස් රියැදුරා පොලිස් රෝහලේ ප්‍රතිකාර ලබන බැවින් හදුනාගැනීමේ පෙරට්ටුව කල් දමන ලෙසට කොල්ලුපිටිය පොලීසිය අධිකරණයෙන් කළ ඉල්ලීමක් සැලකිල්ලට ගත් මහේස්ත්‍රාත්වරයා එම පෙරට්ටුව කල් තැබීය.