පෞද්ගලික විශ්වවිද්‍යාල සඳහා රජයේ පොළී රහිත ණය ලබාදීමේ වැඩපිළිවෙළ යටතේ 2019, 2020, 2021 වර්ෂවල උසස් පෙළට පෙනී සිටි දරුවන්ට අයැදුම්පත්‍ර භාරදීමේ අවස්ථාව අද (04)දිනයේ සිට ආරම්භ කෙරේ.
අගෝස්තු 7 වෙනි දා දක්වා අයැදුම්පත්‍ර භාරදීමේ අවස්ථාව පවතින බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
පෞද්ගලික විශ්වවිද්‍යාල සඳහා රජයේ පොළී රහිත ණය ලබා ගැනීමේ අයැදුම්පත් www.studentloans.mohe.gov.lk වෙබ් අඩවිය ඔස්සේ මාර්ගගතව යොමු කළ හැකිය.
එම වෙබ් අඩවියට පිවිස පොළී රහිත ශිෂ්‍ය ණය යෝජනා ක්‍රමයේ ශිෂ්‍ය අත්පොත පරිශීලනය කර මේ පිළිබඳ තොරතුරු ලබාගත හැකියි.
වැඩි විස්තර සඳහා 070-3555970 – 79 දක්වා දුරකතන අංක ඇමතීමෙන් තොරතුරු ලබාගත හැකි බව රජයේ ප්‍රවෘත්ති දෙපාර්තමේන්තුව සඳහන් කරයි.