සිරගත කර සිටින පූජ්‍ය ගලගොඩඅත්තේ ඥාණසාර හිමියන්ට භික්ෂුවක් ලෙස හිර ගෙදරදී කටයුතු කර උන්වහන්සේගේ භික්ෂුභාවය ආරක්ෂා කරන්නැයි සහ භික්ෂූ සාශනයට නිගා නොකරන්නැයි ඉල්ලමින් රට පුරා ස්ථාන කිහිපයකදී අද විරෝධතා පැවැත්විණි.
තිස්සමහාරාම, ලුණුගම්වෙහෙර ඒකාබද්ධ භික්ෂූ බලමණ්ඩලයේ ස්වාමීන්වහන්සේලා හා ප්‍රදේශවාසීන් එක්ව සැතපුම් පහක පමණ දුරක් පාගමනින් ගොස් තිස්සමහාරාම රජමහා විහාරයට ගොස් සත්‍යග්‍රහයක නිරත විය.
දඹුල්ල නගරයේදීද අද දිනයේ බෞද්ධ සංවිධාන කිහිපයක එකමුතුවෙන් විරෝධතා පාගමනක් පැවැත්විණි.
මේ අතර බදුල්ල මැදගම විහාරධිපති සංගමයද ප්‍රදේශවාසීන් සමග සත්‍යග්‍රහයක නිරත විය.
