කෑගල්ල බන්ධනාගාරයේ රඳවා සිටි සැකකරුවන් සන්තකයේ තිබී ජංගම දුරකථන 05ක්, දුරකථන බැටරි 11ක් සිම්කාඩ් පත් 10ක් සොයාගෙන තිබේ.
ඒ බන්ධනාගාර බුද්ධි අංශ නිලධාරීන් විසින් හදිස්සියේ කරන ලද සෝදිසි කිරීමකදී ය.
ඊයේ (04)දින රාත්‍රී 8.45 ට පමණ එම සෝදිසි මෙහෙයුම සිදුකර තිබේ.
මේ අතර කෑගල්ල බන්ධනාගාරයේ A4 අංශයේ විශේෂ සිරමැදිරියේ රඳවා ඇති පාස්කු ප්‍රහාරයට සම්බන්ධ සැකකරුවන් සන්තකයේ තිබී තවත් දුරකථන තුනක් සොයාගෙන ඇත.
එම අංශයේම රඳවා සිටින අයිස් කාන් නමින් හඳුන්වන මත්ද්‍රව්‍ය ජාවාරම්කරු සන්තකයේ තිබී ද දුරකථන දෙකක් සොයාගෙන ඇතිඅතර දුම්වැටි සහ දුම්කොළ ප්‍රමාණයක්ද සොයාගැනීමට බන්ධනාගාර බුද්ධි අංශ නිලධාරීන් සමත් වී තිබේ.