5 ශ්‍රේණිය ශිෂ්‍යත්ව විභාගය අහෝසි කිරීමට තීරණය කළේ දරුවන්ට වඩා හොඳ අධ්‍යාපන ක‍්‍රමයක් හදුන්වාදීම වෙනුවෙන් බව ජනාධිපති මෛත‍්‍රීපාල සිරිසේන මහතා පැවසුවේය. ඒ ගොඩගම සුභාරතී මහාමාත්‍ය විද්‍යාලයේ පැවති උත්සවයක් අමතමිනි.
විශ්ව විද්‍යාලවලට ඇතුළත් වන දරුවන්ගෙන් සියයට 86ක්ම ශිෂ්‍යත්ව විභාගය අසමත් වූ අය බවයි ජනාධිපතිවරයා මෙහිදී වැඩිදුරටත් පැවසුවේ.
05 ශ්‍රේණිය ශිෂ්‍යත්ව විභාගය වෙනුවට 07 ශ්‍රේණියේ දී හෝ 08 ශ්‍රේණියේදී විභාගයක් පවත්වා එම ප්රතිඵල මත සිසුන්ගේ දක්ෂතා අනුව ඔවුන් එක් එක් විෂය ක්ෂේත‍්‍රයන්ට යොමු කිරීමට අපේක්ෂා කරන බවයි ජනාධිපතිවරයා මෙහිදී කියා සිටියේ.